xoves, 7 de marzo de 2024

“A historia en Feminino”, a visibilización das mulleres ao longo da historia, chega ao Concello de Curtis para conmemorar o 8M "Día Internacional da Muller"

Iremos ao Concello de Curtis, na comarca de Betanzos, para contar "A historia en Feminino" e así conmemorar o 8M "Día Internacional da Muller", alí Ana Hermida fará un achegamento ao alumnado do Ceip de Teixeiro, das moitas e sobresaíntes, así como descoñecidas, mulleres que houbo ao longo da historia. Científicas, guerreiras, inventoras, aventureiras, deportistas, escritoras, músicas… todas teñen cabida nesta historia en feminino. 

A cita co feminismo comezará ás 11:00 h. co grupo de infantil, ao que seguirá o de primaria, cunha actividade que terá lugar nas instalacións do colexio e que está organizada pola Anpa A Froula.

luns, 5 de febreiro de 2024

Celebramos o 11F en Teo contando "A historia en Feminino" na ciencia

Celebramos o 11F Día Internacional da Muller e a Nena na ciencia con “A historia en Feminino” onde Ana Hermida fará un monográfico sobre as mulleres no mundo da ciencia. Ao longo da historia as mulleres romperon barreiras e destacaron nun mundo de homes, foron moitos os seus logros no eido científico, tecnoloxía, informática, matemáticas, física, inventos... pero foron inxustamente invisibilizadas. Xa é hora de que se coñezan as súas vidas, os seus logros e crear referentes para apoderar as nenas e promover que se acheguen ao mundo marabilloso da ciencia, farémolo mediante historias, actividades e algunha sorpresa.

Será o mércores 21 de febreiro na biblioteca do Ceip Plurilingüe Os Tilos, do Concello de Teo. A cita coas nosas científicas comezará ás 10:00 h. e haberá varias sesións para o alumnado de 1º a 6º de primaria. 

martes, 28 de novembro de 2023

"Contando en feminino" en Caión, historias para loitar contra a violencia de xénero o 25N

Ana Hermida viaxará á Caión, vila da Costa da Morte pertencente ao Concello da Laracha, para contar historias desde a perspectiva de xénero e igualdade, onde o rol feminino sexa, non o tradicional nos contos, senón algo igualitario, onde o final pode cambiar e a protagonista non se vexa como algo inferior e sempre coas mesmas identidades. Conmemoramos así o 25N "Día Internacional da Eliminación da Violencia contra a Muller".

A cita co feminismo será o xoves 30 de novembro ás 12:30 h. na Biblioteca, onde haberá dúas sesións para o alumnado de primaria do Ceip de Caión.

venres, 24 de novembro de 2023

"Contando en feminino" en Caión para o público máis miúdo no 25N

Ana Hermida viaxará á Costa da Morte para conmemorar o 25N "Día Internacional da Eliminación da Violencia contra a Muller" co alumnado de Educación Infantil do Ceip de Caión contra a violencia de xénero e o abuso infantil.

Será o xoves 30 de novembro ás 11:00 h. na Biblioteca do centro escolar.


luns, 20 de novembro de 2023

"Contando en feminino" en Compostela para conmemorar o 25N "Día Internacional da Eliminación da Violencia contra a Muller"

O Concello de Santiago de Compostela, para conmemorar o 25N, organizou unha ampla programación que inclúe “Contando en feminino”, actividade dirixida a todo tipo de público, onde Ana Hermida contará historias para concienciar na violencia de xénero.

Será o sábado 25 de novembro ás 19:00 h. no CSC do Castiñeiriño “Agustín Bueno”.

xoves, 16 de novembro de 2023

Conmemoramos o 25N "Día Internacional da Eliminación da Violencia contra a Muller" en Neda con "A historia en Feminino"

Hai moitos anos decidín que había que pasar á acción, naceron entón varios proxectos para concienciar no feminismo, loitar contra a violencia de xénero, o abuso infantil, visibilizar mulleres, etc. “A historia en Feminino” é un proxecto que leva moitos anos visitando concellos de toda Galicia, o público vai desde infantil, primaria, secundaria, bacharelato, público adulto... ata persoas con capacidades especiais. 

Todo esto nace do compromiso persoal e de crer firmemente no que fago. Cando vexo as reaccións do público penso... pagou a pena, esquezo daquela as horas roubadas ao sono, os moitos quilómetros percorridos, semento feminismo e vexo os resultados, é o mellor termómetro para comprobar que estes proxectos funcionan. Misión cumprida, grazas por tanto como recibo.

luns, 13 de novembro de 2023

Conmemoramos o 25N "Contando en feminino" ao alumnado das Escolas de Educación Infantil do Concello de Arteixo

Conmemoramos o 25N "Día Internacional da Eliminación da Violencia contra a Muller", coa actividade “Contando en Feminino” onde Ana Hermida contará, na súa terra arteixá, historias desde a perspectiva de xénero e igualdade, para concienciar contra a violencia de xénero e o abuso infantil.

A actividade, que está dirixida ao alumnado das Escolas de Educación Infantil de A Lagoa, Rorís e Larín de Arriba, terá lugar o venres 17 de novembro ás 11:00 h. na Biblioteca "Henrique Rabuñal" do Concello de Arteixo.

mércores, 8 de novembro de 2023

"A historia en Feminino", a visibilización das mulleres ao longo da historia, chega a Neda para conmemorar o 25N

O Concello de Neda, dentro da súa programación especial para conmemorar o 25N “Día Internacional da Eliminación da Violencia contra a Muller”, ten incluída “A historia en Feminino”, onde Ana Hermida fará un achegamento ao público infantil das moitas e sobresaíntes, así como descoñecidas, mulleres que houbo ao longo da historia e que foron borradas da mesma. Científicas, guerreiras, inventoras, aventureiras, deportistas, escritoras, músicas… todas teñen cabida nesta historia en feminino. 

Porque a invisibilización é tamén violencia de xénero, estaremos visibilizando mulleres no salón de actos da Biblioteca Pública do Concello de Neda, o martes 21 de novembro ás 18:30 h. 

Desexamos expresar todo o noso apoio á veciñanza nedense logo dos asolagamentos sufridos nestes días.

domingo, 22 de outubro de 2023

Celebramos o Día da Biblioteca no Concello de Cee "Contando en Feminino"

Ana Hermida volve ao Concello de Cee, na Comarca de Fisterra, para achegar á infancia ceense historias contadas desde a perspectiva de xénero e igualdade, onde o rol feminino sexa, non o tradicional nos contos, senón algo igualitario. Contos tamén onde o final pode cambiar e onde a protagonista non se vexa como algo inferior e sempre coas mesmas identidades. Xogando e contando, apréndese a formar en igualdade.

Estaremos celebrando o Día da Biblioteca concienciando no feminismo ao alumnado dos centros educativos do concello. Será o martes 24 de outubro ás 11:00 h. no auditorio da Casa da Cultura de Cee.

martes, 17 de outubro de 2023

Estaremos "Contando en Feminino" en Ferrol

Estaremos en Ferrol “Contando en feminino”, narrando historias desde a perspectiva de xénero e igualdade, para concienciar contra a violencia de xénero e o abuso infantil. Celebramos así o Día da Biblioteca e o vixésimo quinto aniversario da Asociación Cultural Artábria, organizadora deste acto que está dirixido ao público familiar.

Será o sábado 21 de outubro ás 17:00 h. no local social da AC Artábria. A entrada é libre e gratuíta ata completar aforo.

venres, 13 de outubro de 2023

A Biblioteca Ánxel Casal de Compostela celebra o Día das Escritoras con "Palabra de Muller"

Celebramos o Día das Escritoras na Biblioteca Pública de Santiago Ánxel Casal, con "Palabra de Muller", onde persoas representativas da cultura e sociedade galega poñerán voz á obra das escritoras homenaxeadas para darlles o lugar que a historia lles negou. Imos reivindicar con alegría a vida, a liberdade e a fermosura dos nosos corpos. A actividade está dirixida ao público adulto e coordinada por Ana Hermida, de Lisístrata Asociación, en colaboración coa Biblioteca Pública de Santiago Ánxel Casal.

Este día é unha iniciativa da Biblioteca Nacional de España (BNE), a Federación Española de Mulleres Directivas, Executivas, Profesionais e Empresarias (FEDEPE) e a Asociación Clásicas e Modernas (CyM). Ademais, contará coa colaboración da Asociación Colexial de Escritores (ACE) e o Centro Español de Dereitos Reprográficos (CEDRO).

Será o luns 16 de outubro ás 19:00 h. no salón de actos, con entrada libre ata completar a capacidade da sala.

xoves, 31 de agosto de 2023

A “Historia en Feminino”, a visibilización de mulleres ao longo da historia, na Biblioteca Ánxel Casal de Compostela

Ana Hermida fará un achegamento ao público infantil das moitas e sobresaíntes, así como descoñecidas, mulleres que houbo ao longo da historia e que foron borradas da mesma. Científicas, guerreiras, inventoras, aventureiras, deportistas, escritoras, músicas… todas teñen cabida nesta historia en feminino. 

Porque a invisibilización é un xeito de violencia de xénero, estaremos visibilizando mulleres no salón de actos da Biblioteca Pública de Santiago Ánxel Casal, o sábado 2 de setembro ás 12:00 h. Entrada libre ata completar aforamento.

xoves, 27 de abril de 2023

“Non che teño medo”, contos para vencer os medos, na Biblioteca Ánxel Casal de Compostela

O conflito entre o ben e o mal está sempre presente nos contos de terror infantís e axuda a expresar as súas emocións e vencer os seus propios medos, contribuíndo a prepararse para a vida. Contaremos historias tenras, divertidas e duns medos moi particulares para que, mediante o entretemento, a infancia se enfronte aos temores e monstros que habitan os seus soños.

Será o sábado 3 de xuño, no salón de actos da Biblioteca Pública de Santiago Ánxel Casal, ás 12:00 h.

mércores, 19 de abril de 2023

"Facemos as paces?" contos para celebrar o Día do Libro na Biblioteca de Arteixo

Conmemoramos o Día do Libro contando historias para que a infancia medre na paz e non violencia, nas que está presente a resolución de conflitos e o respecto entre as xentes e os pobos do mundo. A través delas a infancia arteixá coñecerá valores tan importantes como a paz, a solidariedade, a amizade…

Será o xoves 27 de abril, na biblioteca de Arteixo “Henrique Rabuñal”, ás 18:30 h.

luns, 17 de abril de 2023

O alumnado da Escola Infantil Galiña Azul Arteixo-Pastoriza celebra o Día do Libro con "Picaradas"

Os libros a estas idades son pequenos xoguetes que axudan a estimular os sentidos, espertar a imaxinación e recoñecer o seu pequeno mundo. Son persoas observadoras, imaxinativas e moi selectivas. Durante media hora teremos cancións, xogos, rimas… e historias para procurar que se acheguen ao mundo dos libros e ás súas primeiras lecturas.

Serán dúas sesións para o alumnado da Escola Infantil Galiña Azul de Arteixo - Pastoriza, que celebrará o Día do Libro na Biblioteca "Miguel Sande" de Pastoriza, o luns 24 de abril ás 11:00 h. e 12:00 h.

sábado, 15 de abril de 2023

O alumnado da EEI de Barrionovo celebra o Día do Libro "Tecendo soños" na Biblioteca de Pastoriza

Hai libros grandes, pequenos, libros de aventuras, de viaxes, de animais… libros que nos fan vivir situacións e momentos irrepetibles. Os libros espertan a nosa imaxinación e fan que nos sintamos protagonistas da historia. 

Celebramos o Día do Libro tecendo soños, levando ilusión ao alumnado da EEI de Barrionovo, que acudirá á Biblioteca de Pastoriza "Miguel Sande", o xoves 20 de abril ás 11:00 h., para ter un encontro feliz coas máxicas historias que se agochan nos libros.

luns, 10 de abril de 2023

Celebramos o Día do Libro "Tecendo soños" na Biblioteca de Froxel

Hai libros grandes, pequenos, libros de aventuras, de viaxes, de animais… libros que nos fan vivir situacións e momentos irrepetibles. Os libros espertan a nosa imaxinación e fan que nos sintamos protagonistas da historia. Celebramos o Día do Libro tecendo soños, levando ilusión ao público infantil coas máxicas historias que se agochan nos libros. Convídote a soñalas. 

Que lugar mellor para festexar o Día do Libro que a miña terra arteixá onde naceu Murguía? Estaremos na parroquia de Oseiro, onde está O Froxel, berce do Patriarca, celebrando a festa do libro, que terá lugar nun encontro feliz coa infancia o martes 11 de abril, na Biblioteca de Froxel "Francisco A. Vidal", ás 18:30 h.

venres, 10 de marzo de 2023

"Feministorias" unha cita para conmemorar o 8M "Día Internacional da Muller" en Arteixo

A infancia coñecerá, dun xeito divertido e ameno, a historia que non está nos libros de texto, a das nosas avoas e bisavoas que ergueron a voz e loitaron para cambiar o mundo. Nenas e nenos tenden a sentirse protagonistas das historias, polo que lles achegaremos referentes moi coidados e mediante contos, curiosidades e xogos repasaremos os logros e a evolución do feminismo ata os nosos días. Porque o feminismo tamén pode ser divertido.

A cita da infancia co feminismo será o mércores 15 de marzo ás 18:30 h. na Biblioteca de Meicende “Antón Castro”, na parroquia arteixá de Pastoriza.

venres, 3 de marzo de 2023

“A historia en Feminino”, a visibilización das mulleres ao longo da historia, chega a Fisterra para conmemorar o 8M "Día Internacional da Muller"

Viaxamos ata o fin da terra, ao Concello de Fisterra, que dá nome á comarca, para contar "A historia en Feminino”, alí Ana Hermida fará un achegamento ao alumnado do Ceip Mar de Fóra das moitas e sobresaíntes, así como descoñecidas, mulleres que houbo ao longo da historia. Científicas, guerreiras, inventoras, aventureiras, deportistas, escritoras, músicas… todas teñen cabida nesta historia en feminino. Actividade organizada pola Anpa Atalaia para que o alumnado celebre o fin de curso en igualdade.

Porque a invisibilización é un xeito de violencia de xénero, estaremos visibilizando mulleres borradas da historia no colexio fisterrán, para os grupos de infantil e primaria, o mércores 08 de marzo ás 11:30 h.

xoves, 2 de marzo de 2023

"Contando en feminino" en Santa Comba no 8M "Día Internacional da Muller"

O Concello de Santa Comba, na comarca do Xallas conmemora o 8M "Día Internacional da Muller”, con varias actividades, entre elas “Contando en Feminino” onde Ana Hermida contará historias desde a perspectiva de xénero e igualdade, para concienciar contra a violencia de xénero e o abuso infantil.

Será o mércores 08 de marzo ás 18:00 h. na Biblioteca Pública Municipal, situada na Casa da Cultura do Concello de Santa Comba.

sábado, 25 de febreiro de 2023

Acto Central do "Día de Rosalía" no Concello de Arteixo

Este ano celébrase a novena edición do concurso de poesía en homenaxe a Rosalía de Castro, está organizado pola Concellería de Cultura do Concello de Arteixo a través da Rede Municipal de Bibliotecas. A infancia de entre 8 e 12 anos levará un agasallo pola súa partipación no concurso de recitados, outro por cada unha das tres categorías e a persoa gañadora recibirá o premio final. Ana Hermida dará lectura ao Manifesto da Aelg, redactado este ano por Carme Adán e tamén fará unha sentida homenaxe ao ilustre Arteixán Manuel Murguía, no centenario do seu pasamento.

Mentres delibera o xurado composto polo Clube de Lectura da Biblioteca Central de Arteixo “Henrique Rabuñal”, terá lugar unha escolma do recital “Palabra de Muller”, onde unha muller presta a súa voz ás escritoras homenaxeadas, para darlles o lugar que a historia lles negou, e a continuación outra escolma do recital “A Memoria é unha dama” para render homenaxe ás mulleres da Memoria Histórica, vítimas dunha desmemoria consentida. Ámbolos dous recitais estarán representados pola actriz arteixá Ana Hermida.

Será o sábado 04 de marzo, na Sala de Exposicións do Centro Cívico Cultural de Arteixo, ás 11:30 h. A entrada é libre e gratuíta ata completar a capacidade da sala. Convidamos a toda a cidadanía arteixá a participar da Festa Rosaliana.

martes, 21 de febreiro de 2023

"Palabra de Muller", homenaxe ás escritoras, en Arteixo

Ana Hermida fará un percorrido pola obra de mulleres pioneiras, rebeldes, silenciadas, inxustamente tratadas, incomprensiblemente esquecidas… Autoras representativas da realidade do seu tempo ás que tratamos de honrar con "Palabra de muller", un recital onde unha muller presta a súa voz ás homenaxeadas para darlles o lugar que a historia lles negou. Por suposto, Rosalía de Castro, terá o seu protagonismo neste espectáculo, para homenaxeala con moito sentimento.

Será o sábado 04 de marzo, na Sala de Exposicións do Centro Cívico Cultural de Arteixo, ás 11:30 h. Entrada libre e gratuíta ata completar a capacidade da sala.

venres, 17 de febreiro de 2023

VIII Concurso de Poesía Homenaxe a Rosalía de Castro, en Arteixo

Este ano celébrase a novena edición do concurso de poesía en homenaxe a Rosalía de Castro, está organizado pola Concellería de Cultura do Concello de Arteixo a través da Rede Municipal de Bibliotecas. A infancia de entre 8 e 12 anos levará un agasallo pola súa partipación no concurso de recitados, outro por cada unha das tres categorías e a persoa gañadora recibirá o premio final. Ana Hermida dará lectura ao Manifesto da Aelg, redactado este ano por Carme Adán e unha sentida homenaxe ao ilustre Arteixán Manuel Murguía, no centenario do seu pasamento.

Mentres delibera o xurado composto polo Clube de Lectura da Biblioteca Central de Arteixo “Henrique Rabuñal”, terá lugar unha escolma do recital “Palabra de Muller”, onde unha muller presta a súa voz ás homenaxeadas, para darlles o lugar que a historia lles negou e a continuación outra escolma do recital “A Memoria é unha dama” para render homenaxe ás mulleres da Memoria Histórica, vítimas dunha desmemoria consentida. Ámbolos dous recitais estarán representados pola actriz arteixá Ana Hermida.

Será o sábado 04 de marzo, na Sala de Exposicións do Centro Cívico Cultural de Arteixo, ás 11:30 h. A entrada é libre e gratuíta ata completar aforamento.

mércores, 8 de febreiro de 2023

"A Memoria é unha dama" no Concello e Arteixo

Espectáculo para render homenaxe ás mulleres da Memoria Histórica, vítimas dunha desmemoria consentida. Unha soa actriz dará voz a todas elas, ás heroínas, esquecidas inxustamente, que lembraremos coa forza da palabra enriba do escenario. Teatro, poemas, cancións… varias disciplinas servirán para darlle voz ás que lles roubaron as palabras, lembrar episodios e reflexionar para que non se volvan repetir. 

luns, 16 de xaneiro de 2023

“Contadas na súa voz” homenaxe a Rosalía de Castro na Biblioteca Ánxel Casal de Compostela

Celebramos o Día de Rosalía cunha sentida homenaxe á escritora compostelá, símbolo do pobo galego. Repasaremos a súa obra e biografía, tamén haberá poesías, cancións e historias marabillosas.

Xunto coa homenaxe a Rosalía de Castro, celebraremos tamén o Día da lingua materna e Cen anos sen Murguía. Será o sábado 25 de febreiro, no salón de actos da Biblioteca Pública de Santiago de Compostela, ás 12:00 h.


domingo, 8 de xaneiro de 2023

Nace o I Premio Cronista "Vasco da Ponte"

Proximamante publicaremos as bases do I Premio Cronista "Vasco da Ponte", o máximo expoñente das crónicas baixomedievais de Galicia. Ademais de ser un dos fillos ilustres do nosa terra arteixá, inxustamente esquecido e ignorado neste concello de Arteixo. Nace pois este premio para honrar a súa memoria e dignificar a quen durante moitos anos de estudo/investigación foron e son cronistas da nosa historia.

luns, 19 de decembro de 2022

Contaremos historias do "Nadal no mundo" en Pastoriza

Viaxaremos ao redor do mundo para contar historias de diferentes países e culturas e así coñecer os seus costumes, cancións, etc. Haberá contos divertidos, emotivos; coñeceremos curiosidades, as orixes de moitas tradicións e das personaxes propias desta época máxica. É tempo de ilusión, de compartir, de contos e de máscara.

Os contos e a maxia do Nadal agardan por ti o mércores 21 de decembro, na Biblioteca de Pastoriza “Miguel Sande”, ás 18:30 h.

venres, 16 de decembro de 2022

Ana Hermida levará a súa terra arteixá “Un Nadal cheo de contos”

Poremos nos zapatiños de todas as nenas e nenos, contos feitos de maxia e ilusión. Cantaremos panxoliñas e contaremos historias que falan do sentido destas datas e que ás veces son divertidas, outras sorprendentes… contos de árbores de Nadal, de bonecos de neve, de Reis, de cousas imaxinadas e que, seguramente, algún día serán realidade.

A cita cos contos e coa maxia do Nadal será o xoves 15 de decembro, na Biblioteca Central de Arteixo “Henrique Rabuñal”, ás 18:30 h.

martes, 22 de novembro de 2022

"Contando en feminino" en Compostela, dentro da campaña do 25N: En negro contra as violencias

O Concello de Santiago de Compostela para conmemorar o 25N dentro da campaña: En negro contra as violencias, organizou unha ampla programación que inclúe “Contando en feminino” onde Ana Hermida contará historias para concienciar na violencia de xénero.

A cita será o sábado 26 de novembro ás 19:00 h. no CSC do Castiñeiriño “Agustín Bueno”.

domingo, 20 de novembro de 2022

Vilarmaior conmemora o 25N "Contando en feminino"

O Concello de Vilarmaior, na comarca de Betanzos, conmemora o 25N "Día Internacional da Eliminación da Violencia contra a Muller, coa actividade “Contando en Feminino” onde Ana Hermida contará historias desde a perspectiva de xénero e igualdade, para concienciar contra a violencia de xénero e o abuso infantil.

Será o venres 25 de novembro ás 17:00 h. na Casa da Cultura do Concello de Vilarmaior.


xoves, 17 de novembro de 2022

"A historia en Feminino" chega a Pastoriza cun monográfico sobre as mulleres na ciencia

Conmemoramos o 25N, o Día da Eliminación da Violencia contra a Muller con “A historia en Feminino” onde Ana Hermida visibilizará a mulleres no mundo da ciencia. Ao longo da historia as mulleres romperon barreiras e destacaron nun mundo de homes, foron moitos os seus logros na ciencia, tecnoloxía, informática, matemáticas, física, inventos... pero foron inxustamente invisibilizadas. Xa é hora de que se coñezan as súas vidas, os seus logros e crear referentes nas nenas para que se acheguen ao mundo da ciencia. Farémolo mediante historias, actividades e xogos... e algunha sorpresa.

Será na Biblioteca de Pastoriza “Miguel Sande” do Concello de Arteixo, o xoves 24 de novembro ás 18:50 h. 

martes, 15 de novembro de 2022

"Contando en feminino" en Caión para o público máis miúdo no 25N

Ana Hermida viaxará á Costa da Morte para concienciar ao alumnado de Educación Infantil do Ceip de Caión contra a violencia de xénero e o abuso infantil. Actividade organizada pola Anpa Balea para que o alumnado conmemore o 25N "Día Internacional da Eliminación da Violencia contra a Muller".

Será o mércores 23 de novembro ás 10:00 h. na Biblioteca do centro escolar.


mércores, 9 de novembro de 2022

Caión conmemora o 25N con "A historia en Feminino", a visibilización das mulleres ao longo da historia

Viaxamos á antiga vila baleeira de Caión, pertencente ao Concello da Laracha, na comarca de Bergantiños, para contar "A historia en Feminino”, alí Ana Hermida fará un achegamento ao alumnado das moitas e sobresaíntes, así como descoñecidas, mulleres que houbo ao longo da historia. Científicas, guerreiras, inventoras, aventureiras, deportistas, escritoras, músicas… todas teñen cabida nesta historia en feminino. Actividade organizada pola Anpa Balea para que o alumnado conmemore o 25N "Día Internacional da Eliminación da Violencia contra a muller".

Porque a invisibilización é un xeito de violencia de xénero, estaremos visibilizando mulleres borradas da historia, na biblioteca do colexio, o mércores 23 de novembro ás 12:30 h.

mércores, 2 de novembro de 2022

"Contando en feminino", contos para concienciar na violencia de xénero no 25N, en Caión

Ana Hermida viaxará á Caión, vila da Costa da Morte pertencente ao Concello da Laracha, para contar historias desde a perspectiva de xénero e igualdade, onde o rol feminino sexa, non o tradicional nos contos, senón algo igualitario, onde o final pode cambiar e a protagonista non se vexa como algo inferior e sempre coas mesmas identidades. Actividade organizada pola Anpa Balea para que o alumnado conmemore o 25N "Día Internacional da Eliminación da Violencia contra a Muller".

A cita coa igualdade será o mércores 23 de novembro ás 11:00 h. na Biblioteca do Ceip de Caión.


martes, 26 de xullo de 2022

"Contando en feminino", contos de igualdade na Biblioteca Ánxel Casal de Compostela

En setembro volvemos con novos contos, novas personaxes... para concienciar na violencia de xénero, no feminismo e no abuso infantil. Serán historias contadas desde a perspectiva de xénero e igualdade, onde o rol feminino sexa, non o tradicional nos contos, senón algo igualitario, onde o final pode cambiar e onde a protagonista non se vexa como algo inferior e sempre coas mesmas identidades.

A cita será o sábado 3 de setembro ás 12:00 h. no salón de actos da Biblioteca Pública de Santiago de Compostela.


sábado, 16 de xullo de 2022

"Contando en feminino", contos de igualdade no Concello de Miño

Ana Hermida contará historias desde a perspectiva de xénero e igualdade, onde o rol feminino sexa, non o tradicional nos contos, senón algo igualitario, onde o final pode cambiar e a protagonista non se vexa como algo inferior e sempre coas mesmas identidades. Contos tamén para concienciar e loitar contra o abuso infantil e a violencia de xénero.

Será o sábado 13 de agosto ás 12:30 h. no Parque da Rúa do Concello de Miño, dentro das actividades do Festival FríoNoRostro, que organiza a Asociación Cultural O Submarino.

martes, 31 de maio de 2022

"Facemos as paces?" contos na Biblioteca Ánxel Casal de Compostela para conmemorar o Día Mundial das Persoas Refuxiadas

Contos para que a infancia medre na paz e non violencia, nos que está presente a resolución de conflitos e o respecto entre as xentes e os pobos do mundo. A través das diferentes historias a infancia coñecerá valores tan importantes como a paz, a solidariedade, a amizade…

Será o sábado 11 de xuño, no salón de actos da Biblioteca Pública de Santiago Ánxel Casal, ás 12:00 h.

martes, 19 de abril de 2022

"Contos moi naturais" en Pastoriza para conmemorar o Día da Terra

Conmemoramos o Día Internacional da Nai Terra contando historias para defender o medio ambiente e loitar contra o cambio climático. Debemos facer as paces coa Natureza, a Terra estanos a pedir que actuemos, polo que Ana Hermida estará contando para o público infantil e concienciando na importancia de coidar e respectar o noso hábitat.

A cita cos contos e o Medio Ambiente será o mércores 27 de abril ás 18:30 h., na Biblioteca de Pastoriza "Miguel Sande".

martes, 12 de abril de 2022

Celebramos o Día do Libro “Tecendo soños” na Biblioteca Ánxel Casal de Compostela

Celebramos o Día do Libro tecendo soños, levando ilusión ao público infantil coas máxicas historias que se agochan nos libros que espertan a imaxinación e fan que nos sintamos protagonistas das historias. Convídote a soñalas.

Será o 16 de abril, no salón de actos da Biblioteca Pública de Santiago Ánxel Casal, ás 12:00 h. Entrada libre e gratuíta ata completar a capacidade da sala.

martes, 5 de abril de 2022

Celebramos o Día do Libro “Tecendo soños” en Meicende

Hai libros grandes, pequenos, libros de aventuras, de viaxes, de animais… libros que nos fan vivir situacións e momentos irrepetibles. Os libros espertan a nosa imaxinación e fan que nos sintamos protagonistas da historia. Celebramos o Día do Libro tecendo soños, levando ilusión ao público infantil coas máxicas historias que se agochan nos libros. Convídote a soñalas.

A festa do libro terá lugar nun encontro feliz coa infancia o mércores 06 de abril, na Biblioteca de Meicende “Antón Castro”, ás 18:30 h.

domingo, 20 de marzo de 2022

Conmemoramos o 8M Día Internacional da Muller no Concello de Arteixo contando “A historia en Feminino”

Contaremos "A historia en Feminino" para conmemorar o 8M "Día Internacional da Muller" en Arteixo, alí, na súa terra, Ana Hermida fará un achegamento ao público infantil das moitas e sobresaíntes, así como descoñecidas, mulleres que houbo ao longo da historia. Científicas, guerreiras, inventoras, aventureiras, deportistas, escritoras, músicas… todas teñen cabida nesta historia en feminino. 

Estaremos visibilizando ás mulleres borradas da historia e achegando referentes ao público infantil, o xoves 24 de marzo ás 18:30 h., na Biblioteca Central de Arteixo “Henrique Rabuñal” incluída na Rede de Bibliotecas do Concello de Arteixo.

xoves, 17 de marzo de 2022

“Contadas na súa voz” en Feminino, homenaxe ás escritoras galegas en Oseiro para celebrar o 8M Día Internacional da Muller

Celebramos o 8M Día Internacional da Muller, cunha sentida homenaxe ás escritoras galegas que crearon as máis fermosas historias infantís de todos os tempos. Repasaremos a biografía de Dora Vázquez, Helena Villar Janeiro e María Victoria Moreno e gozaremos dos seus poemas e contos marabillosos. Serán historias contadas na súa voz e coa palabra de Ana Hermida.

Coas nosas escritoras galegas celebramos tamén o Día da Narración Oral, o Día da Poesía e o Día do Teatro. Achégate a Oseiro, escoita as historias, poemas, cancións, teatro... e coñece máis polo miúdo á escritora “Dora Vázquez” que lle dá nome á Biblioteca desta parroquia.  Será o luns 21 de marzo ás 18:30 h. 

venres, 25 de febreiro de 2022

"Ningún lazo a suxeita" homenaxe a Filomena Dato en Arteixo, no seu cabodano

Rendemos homenaxe no Concello de Arteixo a Filomena Dato no seu 96 cabodano con “Ningún lazo a suxeita”, unha dramatización da obra da autora máis premiada do século XIX, que fará a actriz arteixá Ana Hermida. Seguimos así coa teima que temos desde hai moitos anos de visibilizar mulleres, honrando debidamente ás que a historia non lles fixo xustiza.

Será o sábado 26 no Centro Cívico Cultural de Arteixo, ás 12:00 h. A entrada é libre e gratuíta ata completar aforamento.

xoves, 24 de febreiro de 2022

O Concello de Cerceda conmemora o Día de Rosalía con "Tecín soia a miña tea"

Ana Hermida viaxará á Comarca de Ordes, onde fará unha dramatización da obra da Nai das nosas letras con “Tecín soia a miña tea”, poemas, teatro, e algunha canción para honrar a nai da nosa terra no seu aniversario, unha muller interpretando a outra muller, a Rosalía feminista, divertida, defensora da súa terra. 

A cita Rosaliana será o sábado 26 de febreiro ás 18:00 h. no Auditorio do Concello de Cerceda.