domingo, 31 de marzo de 2019

Celebramos o Día do Libro contando “A historia en Feminino” no Concello de Caldas de Reis

"A historia en Feminino" chega a Caldas de Reis para celebrar o Día do Libro, alí Ana Hermida fará un achegamento ás moitas e sobresaíntes, así como descoñecidas, mulleres que houbo ao longo da historia. Científicas, guerreiras, inventoras, aventureiras, deportistas, escritoras, músicas… todas teñen cabida nesta historia en feminino. Pensemos en igualdade, construamos con intelixencia, innovemos para o cambio.

A cita con estas mulleres tan fascinantes será o martes 2 de abril ás 10:00 h. na Biblioteca Pública Municipal Padre Manuel Martínez Ferro de Caldas de Reis. Alí estaremos contando para o alumnado do Cra de Caldas de Reis, Centro Rural Agrupado composto polas escolas de Saiar, Godos, Santo André e Carracedo.

mércores, 6 de marzo de 2019

Conmemoramos o Día Internacional da Muller en Arzúa contando "A historia en Feminino"

O Concello de Arzúa organiza "A historia en Feminino", alí Ana Hermida fará un achegamento ás moitas e sobresaíntes, así como descoñecidas, mulleres que houbo ao longo da historia. Científicas, guerreiras, inventoras, aventureiras, deportistas, escritoras, músicas… todas teñen cabida nesta historia en feminino. Pensemos en igualdade, construamos con intelixencia, innovemos para o cambio.

Conmemoramos así o 8M, Día Internacional da Muller, visibilizando ás mulleres borradas da historia. Será o xoves 7 de marzo ás 11:30 h. na Casa da Cultura do Concello, onde faremos dúas sesións para o alumnado de primaria.

martes, 5 de marzo de 2019

"Contando en feminino" en Corcubión, dentro da campaña do 8M

A Concellería de Muller e Igualdade do Concello de Corcubión, para conmemorar o 8M organizou unha ampla programación que inclúe Contando en feminino, onde Ana Hermida achegará ao alumnado da Escola Infantil Municipal historias contadas desde a perspectiva de xénero e igualdade, onde o rol feminino sexa, non o tradicional nos contos, senón algo igualitario. Contos tamén onde o final pode cambiar e onde a protagonista non se vexa como algo inferior e sempre coas mesmas identidades. Xogando e contando, apréndese a formar en igualdade.

A cita coa igualdade será o mércores 6 de marzo ás 11:00 h. na Biblioteca Municipal do Concello. Aprenderei dese público que aínda vai en cueiros pero que comprende e razoa, polo que toca xogar e concienciar sempre con historias fascinantes que están neses libros que acariñan coas súas manciñas. 

“A historia en Feminino” nos actos do Día Internacional da Muller do Concello de Corcubión

A Concellaría de Servizos Sociais, Muller e Igualdade programa "A historia en Feminino" para conmemorar o 8M, Día Internacional da Muller. Ana Hermida fará un achegamento ás moitas e sobresaíntes, así como descoñecidas, mulleres que houbo ao longo da historia. Científicas, guerreiras, inventoras, aventureiras, deportistas, escritoras, músicas… todas teñen cabida nesta historia en feminino. Pensemos en igualdade, construamos con intelixencia, innovemos para o cambio.

A cita con estas mulleres tan fascinantes, será o mércores 6 de marzo ás 11:00 h. na Biblioteca Pública Municipal de Corcubión, cunha sesión para infantil e outra para primaria.