O alumnado do Ies Félix Muriel foi o público ao que ía dirixida a obra. Tratábase de concienciar nun tema tan duro como é a violencia de xénero, remexer conciencias, non deixar indiferente a ninguén.
O debate que tivo lugar ao final da representación entre o público asistente (mestres e alumnado) con Ana Hermida e Santiago Fernández, que foron as persoas encargadas de representar a obra, foi moi interesante e xurdiron temas moi importantes, no que a implicación do público e intercambio de opinións foi moi enriquecedora.
A reacción do público durante a representación e as súas palabras ao remate da mesma, foron proba de que, tal e como se pretendía, remexeu por dentro e fixo pensar e concienciar nesa lacra social e inxusta, como é a violencia de xénero.
Ningún comentario:
Publicar un comentario