"Contos moi naturais" en Pastoriza para conmemorar o Día da Terra

Conmemoramos o Día Internacional da Nai Terra contando historias para defender o medio ambiente e loitar contra o cambio climático. Debemos facer as paces coa Natureza, a Terra estanos a pedir que actuemos, polo que Ana Hermida estará contando para o público infantil e concienciando na importancia de coidar e respectar o noso hábitat.

A cita cos contos e o Medio Ambiente será o mércores 27 de abril ás 18:30 h., na Biblioteca de Pastoriza "Miguel Sande".

A Biblioteca Ánxel Casal de Compostela acolle unha sesión de "Contos moi naturais"

Contaremos historias enfocadas a por en valor a natureza, a defensa do medio ambiente, contos que falan de contaminación, de incendios, do amor á natureza, aos animais… somos parte da natureza, somos naturais como as árbores, a auga, os paxaros… Xogando e contando defendemos o noso hábitat para así poder respectalo e coidalo debidamente.

Será o sábado 7 de setembro, no salón de actos da Biblioteca Pública de Santiago Ánxel Casal, ás 12:00 h.

O alumnado da EEI Municipal de Arteixo celebra o Día do Libro con “Contos moi naturais”

Contaremos historias enfocadas a por en valor a natureza, a defensa do medio ambiente, contos que falan de contaminación, de incendios, do amor á natureza, aos animais… somos parte da natureza, somos naturais como as árbores, a auga, os paxaros… Xogando e contando defendemos o noso hábitat para así poder respectalo e coidalo debidamente.

Mediante contos tentaremos concienciar no coidado e respecto á natureza e no amor aos libros, ao alumnado da Escola de Educación Infantil Municipal de Arteixo, que celebrará o Día do Libro na Biblioteca Henrique Rabuñal, o martes 25 de abril ás 10:00 h.

Contos moi naturais no Gaiás no Día Mundial do Medio Ambiente

O Día Mundial do Medio Ambiente tivo lugar no Museo Centro Gaiás (Cidade da Cultura, Santiago de Compostela) o I congreso escolar “Rede Natura 2000. Escolas en Acción”. Durante esta xornada presentáronse 10 proxectos de investigación realizados durante o curso escolar. Organizou a actividade a Consellería de Medio Ambiente, Territorio e Infraestructuras da Xunta de Galicia, co apoio do CEIDA (Centro de Extensión Universitaria e Divulgación Ambiental de Galicia).

Alí estivemos coa infancia, participando coas nosas historias e aprendendo dese conxunto de vontades que demostraron que o futuro, se depende das novas xeracións, será verde e azul. Foi fermosísimo ver como preparaban os seus traballos baixo a supervisión do profesorado e como expoñían os mesmos baixo unha ollada de fachenda das persoas encargadas de educar esas mentes limpas. O meu recoñecemento ao gran labor do profesorado e persoal do Ceida.

Estivemos celebrando o Día Mundial do Medio Ambiente no Museo Centro Gaiás da Cidade da Cultura

O venres 5 de xuño foi o Día Mundial do Medio Ambiente e a Consellería de Medio Ambiente, Territorio e Infraestructuras da Xunta de Galicia organizou un congreso escolar co apoio do Centro de Extensión Universitario e Divulgación Ambiental de Galicia, baixo o título "Escolas en Acción. Rede Natura 2000".

A actividade desenvolveuse no Museo Centro Gaiás da Cidade da Cultura de Santiago de Compostela no que participaron nenas e nenos de toda Galicia. Como se pode apreciar, a implicación das persoas participantes foi moi intensa, eu, na foto, agardando o turno para participar mentres escoitaba con moitísima atención todos os relatorios. Parabéns ao profesorado, escolares e persoal do Ceida.

Celebramos o Día Mundial do Medio Ambiente no Museo Centro Gaiás da Cidade da Cultura, no I Congreso de Centros Educativos Escolas en Acción. Rede Natura 2000

O día 5 de xuño, coincidindo coa conmemoración do Día Mundial do Medio Ambiente, reunirase a todos os participantes do programa Escolas en Acción no Museo Centro Gaiás (Cidade da Cultura, Santiago de Compostela) para celebrar o I congreso escolar “Rede Natura 2000. Escolas en Acción”. Durante esta xornada presentaranse os 10 proxectos de investigación realizados durante o curso 2014/2015.

A celebración deste Congreso dará a oportunidade de visibilizar os proxectos desenvoltos da man dos seus principais actores, os rapaces e rapazas dos centros escollidos, de crear sinerxías de colaboración entre os centros, e entre os centros e as entidades promotoras, así como de fomentar na sociedade o coñecemento da Rede Natura 2000 e a necesidade tanto individual como colectiva da súa axeitada xestión.

É unha actividade organizada pola Consellería de Medio Ambiente, Territorio e Infraestructuras da Xunta de Galicia, co apoio do CEIDA (Centro de Extensión Universitaria e Divulgación Ambiental de Galicia.

Estaremos compartindo coas nenas e nenos os nosos Contos moi naturais, o venres 5 de xuño no Museo Centro Gaiás, na Cidade da Cultura, en Santiago de Compostela ás 13:00 h.

Así foi a sesión de Contos moi naturais, na Biblioteca Central de Arteixo

Foi unha sesión na que houbo contos, reflexión, diversión... un pai participou contando e explicándolles cousas que as nenas e nenos non pensaban que poideran pasar por estas terras. Tamén volvín comprobar que teñen conciencia de coidar e protexer o medio ambiente, agardo que medren neses valores. Ao final, como se aprecia na foto, comprobaron que todo se recicla, mesmo en marabillosas figuras. Levaron algunha figuriña feita en origami dicindo que querían aprender, sei que o farán.

Levamos á Biblioteca Ánxel Casal os nosos Contos moi naturais

O público da biblioteca estaba moi concienciado, aprendemos a reciclar, falamos de historias de contaminación, de protexer o medio ambiente.... foi unha sesión moi especial, xa que contamos entre o público con Rodrigo e a súa nai, viñan da terra do Cid, como el mesmo me dixo, así que as historias da nosa terra marcharon para Burgos. As nenas e nenos que se achegaron pola biblioteca dixéronme que tamén querían defender o medio ambiente, como fixeron as personaxes dos contos... algunhas ficticias e outras moi reais.

A Biblioteca Pública de Santiago Ánxel Casal acolle unha sesión de Contos moi naturais

Esta fin de semana haberá “Unha choiva de contos” enfocados a por en valor a natureza, a defensa do medio ambiente, contos que falan de contaminación, de incendios, do amor á natureza, aos animais… somos parte da natureza, somos naturais coma as árbores, a auga, os paxaros… xogando e contando, defendemos e concienciamos da importancia do noso hábitat e asi respectalo e coidalo debidamente.

Será o sábado 4 de abril, no salón de actos da Biblioteca Pública de Santiago Ánxel Casal, ás 12:00 h.

Sesión de Contos moi naturais na Biblioteca Central de Arteixo

Serán contos enfocados a por en valor a natureza, a defensa do medio ambiente, contos que falan de contaminación, de incendios, do amor á natureza, aos animais… somos parte da natureza, somos naturais coma as árbores, a auga, os paxaros… xogando e contando, defendemos e concienciamos da importancia do noso hábitat e asi respectalo e coidalo debidamente.

A cita cos contos sobre o medio ambiente será o xoves 26 de marzo ás 18:50 h., na Biblioteca Central de Arteixo "Henrique Rabuñal".

A Casa de Man de Camelle foi un lugar privilexiado para Contos moi naturais

O público era o alumnado do Ceip Campo da Area de Camelle, ademáis asistiron as súas mestras e, algo que a min persoalmente me gusta moito, as nais e pais das nenas e nenos.

Falando co público entereime que non tiran papeis nas rúas, sabedes por que? contáronme que os gardan nos petos dos pantalóns, que por certo, teñen cremalleira, así non hai problema de que poidan caer. Tamén me contaron que non lixan as praias... á súa corta idade xa o teñen moi claro.

Entre conto e conto saíu o tema do chapapote e apareceron os verdadeiros heroes, "o meu pai limpou o chapapote", así que convidei a Modesto a que lles contase cousas da grande catástrofe. Foi unha xornada na que as nenas e nenos comprenderon e valoraron o medio natural no que vivimos. Por suposto os heroes de Camelle recibiron un aplauso de todas e todos eles.

Ao remate fixen para eles uns animaliños de papel reciclado, dixeron que ían aprender papiroflexia porque querían facer cousas así, levaron para a súa casa a mostra, así que seguro que xa dominan a técnica.

Contos moi naturais na Voz de Galicia

Así recolle o xornal La Voz de Galicia a sesión de Contos moi naturais, que terá lugar o martes 13 na Casa de Man de Camelle.

Contos moi naturais na Casa de Man de Camelle

A Casa da Cultura de Camelle "Casa de Man" acolle o martes día 13 unha sesión de Contos moi naturais.

Serán contos enfocados a por en valor a natureza, a defensa do medio ambiente, contos que falan de contaminación, de incendios, do amor á natureza, aos animais… somos parte da natureza, somos naturais coma as árbores, a auga, os paxaros… xogando e contando, defendemos e concienciamos da importancia do noso hábitat para así poder respectalo e coidalo debidamente.

Será unha cita co público infantil do CEIP Campo da Area de Camelle, ao que tamén está convidado o alumnado das unitarias da vila. 

A cita nese lugar tan emblemático e idóneo para espertar e coidar conciencias medioambientais, será na Casa de Man de, o martes 13, ás 16:00 h.

A Biblioteca Pública da Coruña "Miguel González Garcés" encheuse de Contos moi naturais

As nenas e nenos responderon debidamente, amosaron interese, curiosidade, prestaron moita atención, divertíronse e o máis importante, prometeron coidar o medio ambiente e fixeron a promesa de protexer e defender a natureza.

Entre contos, historias, debuxos, descubrimentos e cousas sorprendentes, a conciencia lóxica e natural de coidar o noso mundo, os seres vivos e a natureza, foi aparecendo aos poucos entre historia e historia. 

Sei que cumprirán a súa promesa e serán unhas persoas comprometidas e defensoras do medio ambiente. 

Contos moi naturais, na Biblioteca Pública da Coruña, Miguel González Garcés

O vindeiro sábado 15 de febreiro, na Coruña, as nenas e nenos maiores de tres anos terán unha sesión de "Contos moi naturais".

Ana Hermida contará contos enfocados a por en valor a natureza, a defensa do medio ambiente, contos que falan de contaminación, de incendios, do amor á natureza, aos animais… somos parte da natureza, somos naturais coma as árbores, a auga, os paxaros… xogando e contando, defendemos e concienciamos da importancia do noso hábitat e asi respectalo e coidalo debidamente.

Será na sala infantil da Biblioteca Pública da Coruña Miguel González Garcés, ás 12:00 H.