A “Historia en Feminino”, a visibilización de mulleres ao longo da historia, na Biblioteca Ánxel Casal de Compostela

Ana Hermida fará un achegamento ao público infantil das moitas e sobresaíntes, así como descoñecidas, mulleres que houbo ao longo da historia e que foron borradas da mesma. Científicas, guerreiras, inventoras, aventureiras, deportistas, escritoras, músicas… todas teñen cabida nesta historia en feminino. 

Porque a invisibilización é un xeito de violencia de xénero, estaremos visibilizando mulleres no salón de actos da Biblioteca Pública de Santiago Ánxel Casal, o sábado 2 de setembro ás 12:00 h. Entrada libre ata completar aforamento.

“Non che teño medo”, contos para vencer os medos, na Biblioteca Ánxel Casal de Compostela

O conflito entre o ben e o mal está sempre presente nos contos de terror infantís e axuda a expresar as súas emocións e vencer os seus propios medos, contribuíndo a prepararse para a vida. Contaremos historias tenras, divertidas e duns medos moi particulares para que, mediante o entretemento, a infancia se enfronte aos temores e monstros que habitan os seus soños.

Será o sábado 3 de xuño, no salón de actos da Biblioteca Pública de Santiago Ánxel Casal, ás 12:00 h.

"Facemos as paces?" contos para celebrar o Día do Libro na Biblioteca de Arteixo

Conmemoramos o Día do Libro contando historias para que a infancia medre na paz e non violencia, nas que está presente a resolución de conflitos e o respecto entre as xentes e os pobos do mundo. A través delas a infancia arteixá coñecerá valores tan importantes como a paz, a solidariedade, a amizade…

Será o xoves 27 de abril, na biblioteca de Arteixo “Henrique Rabuñal”, ás 18:30 h.

O alumnado da Escola Infantil Galiña Azul Arteixo-Pastoriza celebra o Día do Libro con "Picaradas"

Os libros a estas idades son pequenos xoguetes que axudan a estimular os sentidos, espertar a imaxinación e recoñecer o seu pequeno mundo. Son persoas observadoras, imaxinativas e moi selectivas. Durante media hora teremos cancións, xogos, rimas… e historias para procurar que se acheguen ao mundo dos libros e ás súas primeiras lecturas.

Serán dúas sesións para o alumnado da Escola Infantil Galiña Azul de Arteixo - Pastoriza, que celebrará o Día do Libro na Biblioteca "Miguel Sande" de Pastoriza, o luns 24 de abril ás 11:00 h. e 12:00 h.

O alumnado da EEI de Barrionovo celebra o Día do Libro "Tecendo soños" na Biblioteca de Pastoriza

Hai libros grandes, pequenos, libros de aventuras, de viaxes, de animais… libros que nos fan vivir situacións e momentos irrepetibles. Os libros espertan a nosa imaxinación e fan que nos sintamos protagonistas da historia. 

Celebramos o Día do Libro tecendo soños, levando ilusión ao alumnado da EEI de Barrionovo, que acudirá á Biblioteca de Pastoriza "Miguel Sande", o xoves 20 de abril ás 11:00 h., para ter un encontro feliz coas máxicas historias que se agochan nos libros.

Celebramos o Día do Libro "Tecendo soños" na Biblioteca de Froxel

Hai libros grandes, pequenos, libros de aventuras, de viaxes, de animais… libros que nos fan vivir situacións e momentos irrepetibles. Os libros espertan a nosa imaxinación e fan que nos sintamos protagonistas da historia. Celebramos o Día do Libro tecendo soños, levando ilusión ao público infantil coas máxicas historias que se agochan nos libros. Convídote a soñalas. 

Que lugar mellor para festexar o Día do Libro que a miña terra arteixá onde naceu Murguía? Estaremos na parroquia de Oseiro, onde está O Froxel, berce do Patriarca, celebrando a festa do libro, que terá lugar nun encontro feliz coa infancia o martes 11 de abril, na Biblioteca de Froxel "Francisco A. Vidal", ás 18:30 h.

"Feministorias" unha cita para conmemorar o 8M "Día Internacional da Muller" en Arteixo

A infancia coñecerá, dun xeito divertido e ameno, a historia que non está nos libros de texto, a das nosas avoas e bisavoas que ergueron a voz e loitaron para cambiar o mundo. Nenas e nenos tenden a sentirse protagonistas das historias, polo que lles achegaremos referentes moi coidados e mediante contos, curiosidades e xogos repasaremos os logros e a evolución do feminismo ata os nosos días. Porque o feminismo tamén pode ser divertido.

A cita da infancia co feminismo será o mércores 15 de marzo ás 18:30 h. na Biblioteca de Meicende “Antón Castro”, na parroquia arteixá de Pastoriza.

“A historia en Feminino”, a visibilización das mulleres ao longo da historia, chega a Fisterra para conmemorar o 8M "Día Internacional da Muller"

Viaxamos ata o fin da terra, ao Concello de Fisterra, que dá nome á comarca, para contar "A historia en Feminino”, alí Ana Hermida fará un achegamento ao alumnado do Ceip Mar de Fóra das moitas e sobresaíntes, así como descoñecidas, mulleres que houbo ao longo da historia. Científicas, guerreiras, inventoras, aventureiras, deportistas, escritoras, músicas… todas teñen cabida nesta historia en feminino. Actividade organizada pola Anpa Atalaia para que o alumnado celebre o fin de curso en igualdade.

Porque a invisibilización é un xeito de violencia de xénero, estaremos visibilizando mulleres borradas da historia no colexio fisterrán, para os grupos de infantil e primaria, o mércores 08 de marzo ás 11:30 h.

"Contando en feminino" en Santa Comba no 8M "Día Internacional da Muller"

O Concello de Santa Comba, na comarca do Xallas conmemora o 8M "Día Internacional da Muller”, con varias actividades, entre elas “Contando en Feminino” onde Ana Hermida contará historias desde a perspectiva de xénero e igualdade, para concienciar contra a violencia de xénero e o abuso infantil.

Será o mércores 08 de marzo ás 18:00 h. na Biblioteca Pública Municipal, situada na Casa da Cultura do Concello de Santa Comba.

Acto Central do "Día de Rosalía" no Concello de Arteixo

Este ano celébrase a novena edición do concurso de poesía en homenaxe a Rosalía de Castro, está organizado pola Concellería de Cultura do Concello de Arteixo a través da Rede Municipal de Bibliotecas. A infancia de entre 8 e 12 anos levará un agasallo pola súa partipación no concurso de recitados, outro por cada unha das tres categorías e a persoa gañadora recibirá o premio final. Ana Hermida dará lectura ao Manifesto da Aelg, redactado este ano por Carme Adán e tamén fará unha sentida homenaxe ao ilustre Arteixán Manuel Murguía, no centenario do seu pasamento.

Mentres delibera o xurado composto polo Clube de Lectura da Biblioteca Central de Arteixo “Henrique Rabuñal”, terá lugar unha escolma do recital “Palabra de Muller”, onde unha muller presta a súa voz ás escritoras homenaxeadas, para darlles o lugar que a historia lles negou, e a continuación outra escolma do recital “A Memoria é unha dama” para render homenaxe ás mulleres da Memoria Histórica, vítimas dunha desmemoria consentida. Ámbolos dous recitais estarán representados pola actriz arteixá Ana Hermida

Será o sábado 04 de marzo, na Sala de Exposicións do Centro Cívico Cultural de Arteixo, ás 11:30 h. A entrada é libre e gratuíta ata completar aforamento. Convidamos a toda a cidadanía arteixá a participar da Festa Rosaliana.

"Palabra de Muller", homenaxe ás escritoras, en Arteixo

Faremos un percorrido pola obra de mulleres pioneiras, rebeldes, silenciadas, inxustamente tratadas, incomprensiblemente esquecidas… Autoras representativas da realidade do seu tempo ás que tratamos de honrar con "Palabra de muller", un recital onde unha muller presta a súa voz ás homenaxeadas, para darlles o lugar que a historia lles negou. Por suposto, Rosalía de Castro, terá o seu protagonismo neste espectáculo, para homenaxeala con moito sentimento.

VIII Concurso de Poesía Homenaxe a Rosalía de Castro, en Arteixo

Este ano celébrase a novena edición do concurso de poesía en homenaxe a Rosalía de Castro, está organizado pola Concellería de Cultura do Concello de Arteixo a través da Rede Municipal de Bibliotecas. A infancia de entre 8 e 12 anos levará un agasallo pola súa partipación no concurso de recitados, outro por cada unha das tres categorías e a persoa gañadora recibirá o premio final. Ana Hermida dará lectura ao Manifesto da Aelg, redactado este ano por Carme Adán e unha sentida homenaxe ao ilustre Arteixán Manuel Murguía, no centenario do seu pasamento.

Mentres delibera o xurado composto polo Clube de Lectura da Biblioteca Central de Arteixo “Henrique Rabuñal”, terá lugar unha escolma do recital “Palabra de Muller”, onde unha muller presta a súa voz ás homenaxeadas, para darlles o lugar que a historia lles negou e a continuación outra escolma do recital “A Memoria é unha dama” para render homenaxe ás mulleres da Memoria Histórica, vítimas dunha desmemoria consentida. Ámbolos dous recitais estarán representados pola actriz arteixá Ana Hermida

Será o sábado 04 de marzo, na Sala de Exposicións do Centro Cívico Cultural de Arteixo, ás 11:30 h. A entrada é libre e gratuíta ata completar aforamento.

"A Memoria é unha dama" no Concello e Arteixo

Espectáculo para render homenaxe ás mulleres da Memoria Histórica, vítimas dunha desmemoria consentida. Unha soa actriz dará voz a todas elas, ás heroínas, esquecidas inxustamente, que lembraremos coa forza da palabra enriba do escenario. Teatro, poemas, cancións… varias disciplinas servirán para darlle voz ás que lles roubaron as palabras, lembrar episodios e reflexionar para que non se volvan repetir. 

“Contadas na súa voz” homenaxe a Rosalía de Castro na Biblioteca Ánxel Casal de Compostela

Celebramos o Día de Rosalía cunha sentida homenaxe á escritora compostelá, símbolo do pobo galego. Repasaremos a súa obra e biografía, tamén haberá poesías, cancións e historias marabillosas.

Xunto coa homenaxe a Rosalía de Castro, celebraremos tamén o Día da lingua materna e Cen anos sen Murguía. Será o sábado 25 de febreiro, no salón de actos da Biblioteca Pública de Santiago de Compostela, ás 12:00 h.

Nace o I Premio Cronista "Vasco da Ponte"

Proximamante publicaremos as bases do I Premio Cronista "Vasco da Ponte", o máximo expoñente das crónicas baixomedievais de Galicia. Ademais de ser un dos fillos ilustres do nosa terra arteixá, inxustamente esquecido e ignorado neste concello de Arteixo. Nace pois este premio para honrar a súa memoria e dignificar a quen durante moitos anos de estudo/investigación foron e son cronistas da nosa historia.

Contaremos historias do "Nadal no mundo" en Pastoriza

Viaxaremos ao redor do mundo para contar historias de diferentes países e culturas e así coñecer os seus costumes, cancións, etc. Haberá contos divertidos, emotivos; coñeceremos curiosidades, as orixes de moitas tradicións e das personaxes propias desta época máxica. É tempo de ilusión, de compartir, de contos e de máscara.

Os contos e a maxia do Nadal agardan por ti o mércores 21 de decembro, na Biblioteca de Pastoriza “Miguel Sande”, ás 18:30 h.

Ana Hermida levará a súa terra arteixá “Un Nadal cheo de contos”

Poremos nos zapatiños de todas as nenas e nenos, contos feitos de maxia e ilusión. Cantaremos panxoliñas e contaremos historias que falan do sentido destas datas e que ás veces son divertidas, outras sorprendentes… contos de árbores de Nadal, de bonecos de neve, de Reis, de cousas imaxinadas e que, seguramente, algún día serán realidade.

A cita cos contos e coa maxia do Nadal será o xoves 15 de decembro, na Biblioteca Central de Arteixo “Henrique Rabuñal”, ás 18:30 h.

"Contando en feminino" en Compostela, dentro da campaña do 25N: En negro contra as violencias

O Concello de Santiago de Compostela para conmemorar o 25N dentro da campaña: En negro contra as violencias, organizou unha ampla programación que inclúe “Contando en feminino” onde Ana Hermida contará historias para concienciar na violencia de xénero.

A cita será o sábado 26 de novembro ás 19:00 h. no CSC do Castiñeiriño “Agustín Bueno”.

Vilarmaior conmemora o 25N "Contando en feminino"

O Concello de Vilarmaior, na comarca de Betanzos, conmemora o 25N "Día Internacional da Eliminación da Violencia contra a Muller, coa actividade “Contando en Feminino” onde Ana Hermida contará historias desde a perspectiva de xénero e igualdade, para concienciar contra a violencia de xénero e o abuso infantil.

Será o venres 25 de novembro ás 17:00 h. na Casa da Cultura do Concello de Vilarmaior.

"A historia en Feminino" chega a Pastoriza cun monográfico sobre as mulleres na ciencia

Conmemoramos o 25N, o Día da Eliminación da Violencia contra a Muller con “A historia en Feminino” onde Ana Hermida visibilizará a mulleres no mundo da ciencia. Ao longo da historia as mulleres romperon barreiras e destacaron nun mundo de homes, foron moitos os seus logros na ciencia, tecnoloxía, informática, matemáticas, física, inventos... pero foron inxustamente invisibilizadas. Xa é hora de que se coñezan as súas vidas, os seus logros e crear referentes nas nenas para que se acheguen ao mundo da ciencia. Farémolo mediante historias, actividades e xogos... e algunha sorpresa.

Será na Biblioteca de Pastoriza “Miguel Sande” do Concello de Arteixo, o xoves 24 de novembro ás 18:50 h. 

"Contando en feminino" en Caión para o público máis miúdo no 25N

Ana Hermida viaxará á Costa da Morte para concienciar ao alumnado de Educación Infantil do Ceip de Caión contra a violencia de xénero e o abuso infantil. Actividade organizada pola Anpa Balea para que o alumnado conmemore o 25N "Día Internacional da Eliminación da Violencia contra a Muller".

Será o mércores 23 de novembro ás 10:00 h. na Biblioteca do centro escolar.

Caión conmemora o 25N con "A historia en Feminino", a visibilización das mulleres ao longo da historia

Viaxamos á antiga vila baleeira de Caión, pertencente ao Concello da Laracha, na comarca de Bergantiños, para contar "A historia en Feminino”, alí Ana Hermida fará un achegamento ao alumnado das moitas e sobresaíntes, así como descoñecidas, mulleres que houbo ao longo da historia. Científicas, guerreiras, inventoras, aventureiras, deportistas, escritoras, músicas… todas teñen cabida nesta historia en feminino. Actividade organizada pola Anpa Balea para que o alumnado conmemore o 25N "Día Internacional da Eliminación da Violencia contra a muller".

Porque a invisibilización é un xeito de violencia de xénero, estaremos visibilizando mulleres borradas da historia, na biblioteca do colexio, o mércores 23 de novembro ás 12:30 h.

"Contando en feminino", contos para concienciar na violencia de xénero no 25N, en Caión

Ana Hermida viaxará á Caión, vila da Costa da Morte pertencente ao Concello da Laracha, para contar historias desde a perspectiva de xénero e igualdade, onde o rol feminino sexa, non o tradicional nos contos, senón algo igualitario, onde o final pode cambiar e a protagonista non se vexa como algo inferior e sempre coas mesmas identidades. Actividade organizada pola Anpa Balea para que o alumnado conmemore o 25N "Día Internacional da Eliminación da Violencia contra a Muller".

A cita coa igualdade será o mércores 23 de novembro ás 11:00 h. na Biblioteca do Ceip de Caión.

"Contando en feminino", contos de igualdade na Biblioteca Ánxel Casal de Compostela

En setembro volvemos con novos contos, novas personaxes... para concienciar na violencia de xénero, no feminismo e no abuso infantil. Serán historias contadas desde a perspectiva de xénero e igualdade, onde o rol feminino sexa, non o tradicional nos contos, senón algo igualitario, onde o final pode cambiar e onde a protagonista non se vexa como algo inferior e sempre coas mesmas identidades.

A cita será o sábado 3 de setembro ás 12:00 h. no salón de actos da Biblioteca Pública de Santiago de Compostela.

"Contando en feminino", contos de igualdade no Concello de Miño

Ana Hermida contará historias desde a perspectiva de xénero e igualdade, onde o rol feminino sexa, non o tradicional nos contos, senón algo igualitario, onde o final pode cambiar e a protagonista non se vexa como algo inferior e sempre coas mesmas identidades. Contos tamén para concienciar e loitar contra o abuso infantil e a violencia de xénero.

Será o sábado 13 de agosto ás 12:30 h. no Parque da Rúa do Concello de Miño, dentro das actividades do Festival FríoNoRostro, que organiza a Asociación Cultural O Submarino.

"Facemos as paces?" contos na Biblioteca Ánxel Casal de Compostela para conmemorar o Día Mundial das Persoas Refuxiadas

Contos para que a infancia medre na paz e non violencia, nos que está presente a resolución de conflitos e o respecto entre as xentes e os pobos do mundo. A través das diferentes historias a infancia coñecerá valores tan importantes como a paz, a solidariedade, a amizade…

Será o sábado 11 de xuño, no salón de actos da Biblioteca Pública de Santiago Ánxel Casal, ás 12:00 h.

"Contos moi naturais" en Pastoriza para conmemorar o Día da Terra

Conmemoramos o Día Internacional da Nai Terra contando historias para defender o medio ambiente e loitar contra o cambio climático. Debemos facer as paces coa Natureza, a Terra estanos a pedir que actuemos, polo que Ana Hermida estará contando para o público infantil e concienciando na importancia de coidar e respectar o noso hábitat.

A cita cos contos e o Medio Ambiente será o mércores 27 de abril ás 18:30 h., na Biblioteca de Pastoriza "Miguel Sande".

Celebramos o Día do Libro “Tecendo soños” na Biblioteca Ánxel Casal de Compostela

Celebramos o Día do Libro tecendo soños, levando ilusión ao público infantil coas máxicas historias que se agochan nos libros que espertan a imaxinación e fan que nos sintamos protagonistas das historias. Convídote a soñalas.

Será o 16 de abril, no salón de actos da Biblioteca Pública de Santiago Ánxel Casal, ás 12:00 h. Entrada libre e gratuíta ata completar a capacidade da sala.

Celebramos o Día do Libro “Tecendo soños” en Meicende

Hai libros grandes, pequenos, libros de aventuras, de viaxes, de animais… libros que nos fan vivir situacións e momentos irrepetibles. Os libros espertan a nosa imaxinación e fan que nos sintamos protagonistas da historia. Celebramos o Día do Libro tecendo soños, levando ilusión ao público infantil coas máxicas historias que se agochan nos libros. Convídote a soñalas.

A festa do libro terá lugar nun encontro feliz coa infancia o mércores 06 de abril, na Biblioteca de Meicende “Antón Castro”, ás 18:30 h.

Conmemoramos o 8M Día Internacional da Muller no Concello de Arteixo contando “A historia en Feminino”

Contaremos "A historia en Feminino" para conmemorar o 8M "Día Internacional da Muller" en Arteixo, alí, na súa terra, Ana Hermida fará un achegamento ao público infantil das moitas e sobresaíntes, así como descoñecidas, mulleres que houbo ao longo da historia. Científicas, guerreiras, inventoras, aventureiras, deportistas, escritoras, músicas… todas teñen cabida nesta historia en feminino. 

Estaremos visibilizando ás mulleres borradas da historia e achegando referentes ao público infantil, o xoves 24 de marzo ás 18:30 h., na Biblioteca Central de Arteixo “Henrique Rabuñal” incluída na Rede de Bibliotecas do Concello de Arteixo.

“Contadas na súa voz” en Feminino, homenaxe ás escritoras galegas en Oseiro para celebrar o 8M Día Internacional da Muller

Celebramos o 8M Día Internacional da Muller, cunha sentida homenaxe ás escritoras galegas que crearon as máis fermosas historias infantís de todos os tempos. Repasaremos a biografía de Dora Vázquez, Helena Villar Janeiro e María Victoria Moreno e gozaremos dos seus poemas e contos marabillosos. Serán historias contadas na súa voz e coa palabra de Ana Hermida.

Coas nosas escritoras galegas celebramos tamén o Día da Narración Oral, o Día da Poesía e o Día do Teatro. Achégate a Oseiro, escoita as historias, poemas, cancións, teatro... e coñece máis polo miúdo á escritora “Dora Vázquez” que lle dá nome á Biblioteca desta parroquia.  Será o luns 21 de marzo ás 18:30 h. 

"Ningún lazo a suxeita" homenaxe a Filomena Dato en Arteixo, no seu cabodano

Rendemos homenaxe no Concello de Arteixo a Filomena Dato no seu 96 cabodano con “Ningún lazo a suxeita”, unha dramatización da obra da autora máis premiada do século XIX, que fará a actriz arteixá Ana Hermida. Seguimos así coa teima que temos desde hai moitos anos de visibilizar mulleres, honrando debidamente ás que a historia non lles fixo xustiza.

Será o sábado 26 no Centro Cívico Cultural de Arteixo, ás 12:00 h. A entrada é libre e gratuíta ata completar aforamento.

O Concello de Cerceda conmemora o Día de Rosalía con "Tecín soia a miña tea"

Ana Hermida viaxará á Comarca de Ordes, onde fará unha dramatización da obra da Nai das nosas letras con “Tecín soia a miña tea”, poemas, teatro, e algunha canción para honrar a nai da nosa terra no seu aniversario, unha muller interpretando a outra muller, a Rosalía feminista, divertida, defensora da súa terra. 

A cita Rosaliana será o sábado 26 de febreiro ás 18:00 h. no Auditorio do Concello de Cerceda.

VIII Concurso de Poesía Homenaxe a Rosalía de Castro, en Arteixo

Este ano celébrase a oitava edición do concurso de poesía en homenaxe a Rosalía de Castro, está organizado pola Concellería de Cultura do Concello de Arteixo a través da Rede Municipal de Bibliotecas. Será o broche de ouro a unha serie de actividades coas que conmemoran o nacemento da escritora padronesa. Haberá 12 nenas e nenos que recitarán a súa propia obra, de entre 8 e 12 anos, que levarán un agasallo pola súa partipación, outro por cada unha das tres categorías e a persoa gañadora recibirá o premio final. Ana Hermida dará lectura ao Manifesto da Aelg, redactado este ano por Beatriz Maceda Abeleira e mentres delibera o xurado composto polo Clube de Lectura da Biblioteca Central de Arteixo “Henrique Rabuñal”. Haberá homenaxe a Filomena Dato no seu 96 cabodano con “Ningún lazo a suxeita, unha dramatización da actriz Ana Hermida dos textos da autora máis premiada do século XIX. 

Será o sábado 26, na Sala de Exposicións do Centro Cívico Cultural de Arteixo, ás 11:30 h. A entrada é libre e gratuíta ata completar aforamento.

Acto central do Día de Rosalía no Concello de Arteixo

Despois dunha semana de actividades dirixidas ao público escolar, o Concello de Arteixo celebra o Día de Rosalía cun acto central aberto á cidadanía, organizado pola Concellería de Cultura do Concello de Arteixo a través da Rede Municipal de Bibliotecas. Ana Hermida dará lectura ao Manifesto da AELG, que este ano foi redactado por Beatriz Maceda Abeleira. A continuación terá lugar o concurso de poesía homenaxe a Rosalía de Castro, onde participa o alumnado dos centros de primaria do concello arteixán, unha vez recitados os seus poemas e mentres delibera o xurado, Ana Hermida fará unha homenaxe a Filomena Dato con “Ningún lazo a suxeita, unha dramatización dos textos da autora ourensá, no seu 96 cabodano. 

Convidamos á toda a cidadanía de Arteixo a que participe desta gran festa Rosaliana, será o sábado 26, na Sala de Exposicións do Centro Cívico Cultural de Arteixo, ás 11:30 h. A entrada é libre e gratuíta ata completar aforamento.

O alumnado do Ies Manuel Murguía de Arteixo, achégase á figura de Rosalía con "Tecín soia a miña tea

Rosalía de Castro, na voz de Ana Hermida, estará co alumnado do Ies Manuel Murguía para facer un repaso pola súa biografía e pola súa obra, haberá representación teatral, dramatización da obra Rosaliana e participación do alumnado, que terá ocasión de poñer voz á nosa Poeta nacional, tamén daremos lectura ao Manifesto da Aelg redactado este ano por Beatriz Maceda Abeleira. A actividade está organizada pola Concellería de Cultura a través da Rede de Bibliotecas do Concello de Arteixo.

Serán dous días de encontro, 24 e 25 de febreiro, cunha Rosalía loitadora, feminista, comprometida e dona dunha obra de inmensa valía. A cita terá lugar na Biblioteca Central de Arteixo “Henrique Rabuñal” ás 11:30 h.

“Contos e lendas populares” na Biblioteca do Froxel para celebrar o Día da Lingua Materna

Celebramos o Día da lingua materna con historias tradicionais e populares que fagan coñecer e entender moitas cousas á infancia. Os porqués, os encantos, historias de trasnos, de feitizos, de temas históricos e de cabaleiros, lendas tradicionais e cancións populares para a infancia. 

Será o martes 22 na Biblioteca do Froxel "Francisco A. Vidal", ás 18:30 h.

"A historia en Feminino" no Concello de Bóveda

Viaxamos ao Concello de Bóveda, na Comarca da Terra de Lemos, ao sur da provincia de Lugo, que organiza o campamento Nadal en Igualdade, onde Ana Hermida fará un achegamento ás moitas e sobresaíntes, así como descoñecidas mulleres que houbo ao longo da historia. Científicas, guerreiras, inventoras, aventureiras, deportistas, escritoras, músicas… todas teñen cabida nesta “Historia en Feminino”.

Porque a invisibilización é un xeito de violencia de xénero, estaremos visibilizando mulleres borradas da historia no Centro Sociocultural do Concello, o mércores 29 de decembro ás 11:00 h.

Historias “Sen etiquetas” no Ceip de Caión para conmemorar o 25N

Viaxaremos ao Concello da Laracha, pertencente á Comarca de Bergantiños, concretamente á vila costeira de Caión, para contar ao alumnado historias para aprender a aceptar, respectar e comprender a identidade de cada persoa e amosar todos os afectos posibles entre os seres humanos, así como poñer ao seu alcance a diversidade de familias, todas elas válidas. A través dos contos tentamos visibilizar unha realidade e sensibilizar á infancia para que medre na tolerancia e respecto.

Será o xoves 25 de novembro, na biblioteca do Ceip de Caión, ás 09:45 h. 

O alumnado do Ceip de Caión ten unha cita con “Feministorias” o 25N

O alumnado do Ceip de Caión coñecerá, dun xeito divertido e ameno, a historia que non está nos libros de texto, a das nosas avoas e bisavoas que ergueron a voz e loitaron para cambiar o mundo. Conmemoramos así o 25N, porque o feminismo tamén pode ser divertido.

A cita co feminismo será o xoves 25 de novembro, na biblioteca do Ceip de Caión, ás 11:15 h.

Obradoiro de Teatro no Concello da Laracha

Hoxe comezamos as clases, presentacións, algún exercicio… coma sempre é unha experiencia marabillosa, hai moita ilusión nos seus ollos e sempre conseguen facer grandes cousas, eu apoio un pouco, o mérito é destas persoíñas que queren xogar ao teatro. Que grande é o teatro! axuda a socializar, perder vergoñas inútiles, gañar vocabulario, mellorar expresividade e memoria, ser solidaria e compañeira, axudar ao amigo, coñecer a nosa cultura… a tantas cousas! Gústame o que fago e gústame como o fan, con inocencia e con gañas, tamén me gusta moito ver ás familias como apoian ás nenas e menos. Sei que sairá algo fermoso neste curso, sempre o conseguen e eu síntome feliz co resultado. Pois a cita semanal na Laracha co teatro e a infancia xa está en marcha, viva o teatro!

Conmemoramos o 25N "Contando en feminino" en Oseiro

Ana Hermida contará historias desde a perspectiva de xénero e igualdade, onde o rol feminino sexa, non o tradicional nos contos, senón algo igualitario, onde o final pode cambiar e a protagonista non se vexa como algo inferior e sempre coas mesmas identidades. Contos tamén para concienciar e loitar contra o abuso infantil e a violencia de xénero. Así conmemoramos o 25N "Día Internacional da Eliminación da Violencia contra a Muller".

A cita coa igualdade será o xoves 22 de novembro ás 18:30 h. na Biblioteca de Oseiro “Dora Vázquez”, ás 18:30 h.

Celebramos o Samaín en Arteixo con “Non che teño medo”

O conflito entre o ben e o mal está sempre presente nos contos de terror infantís e axuda a expresar as súas emocións e vencer os seus propios medos, contribuíndo a prepararse para a vida. Contaremos historias tenras, divertidas e duns medos moi particulares para que, mediante o entretemento, a infancia se enfronte aos temores e monstros que habitan os seus soños.

Será o xoves 11 de novembro, na Biblioteca Central de Arteixo “Henrique Rabuñal”, ás 18:30 h.

A invisibilización da muller tamén é violencia de xénero, por eso naceu hai anos "A historia en Feminino"

Hai moitos anos decidín que había que pasar á acción, naceron entón varios proxectos para concienciar no feminismo, loitar contra a violencia de xénero, o abuso infantil, visibilizar mulleres, etc. “A historia en Feminino” é un proxecto que leva moitos anos visitando concellos de toda Galicia, o público vai desde infantil, primaria, secundaria, bacharelato, público adulto... ata persoas con capacidades especiais. Todo esto nace do compromiso persoal e de crer firmemente no que fago. Cando vexo as reaccións do público penso... pagou a pena, esquezo daquela as horas roubadas ao sono, os moitos quilómetros percorridos, semento feminismo e vexo os resultados, é o mellor termómetro para comprobar que estes proxectos funcionan. Misión cumprida, grazas por tanto como recibo!

Celebramos o Día das Escritoras na Biblioteca Ánxel Casal de Compostela con "Palabra de Muller"

Celebramos o Día das Escritoras na Biblioteca Pública de Santiago Ánxel Casal, con "Palabra de Muller", recital onde persoas representativas da cultura e sociedade galega prestarán a súa voz á obra das escritoras homenaxeadas contribuíndo a visibilizar e difundir o seu legado cultural. Imos ler, de verdade, todas as idades de todas as vidas. E compartilo nunha festa lectora do tempo. A actividade está dirixida ao público adulto e coordinada por Ana Hermida, de Lisístrata Asociación en colaboración coa Biblioteca Pública de Santiago Ánxel Casal.

Este día é unha iniciativa da Biblioteca Nacional de España (BNE), a Federación Española de Mulleres Directivas, Executivas, Profesionais e Empresarias (FEDEPE) e a Asociación Clásicas e Modernas (CyM).

Leremos textos de Emilia Pardo Bazán, Iris Zabala, Miren Agur, Filomena Dato, Santa Teresa, Susanna Rafart, Begoña Caamaño, Rosa Montero, Carmen Conde, Luz Pozo, Josefina Aldecoa, Aida Cartagena, María Barbeito, Elena Poniatowska, Paca Aguirre, Xela Arias, Fanny Rubio, Gabriela Mistral, Inma Chacón, Rosalía de Castro, Lupe Grande, María Moliner, Carmen Laforet, Ida Vitale, Alfonsa de la Torre.

Será o luns 18 de outubro ás 19:30 h no salón de actos da Biblioteca.

Segunda edición de "ReviveBaiuca", inscribe a túa proposta

Lisístrata Asociación convídate a participar na segunda edición de ReviveBaiuca, un proxecto colaborativo orientado á cidadanía do Lugar da Baiuca preferentemente, no que se poden presentar ideas para darlle pulo a este lugar e reforzar o tecido veciñal.

Calquera persoa pode participar manifestando as súas inquedanzas e aportando ideas sobre como desexaría que fose a Baiuca, non hai límite de idade nin se precisa ter ningún coñecemento, só precisamos a túa colaboración. Non é preciso vivir en Arteixo, pero o proxecto debe desenvolverse na Baiuca, antiga capital do Concello de Arteixo

Algúns exemplos podrían ser: mellora do noso entorno, crear lugares/actividades culturais, recuperar os entornos naturais e urbanos...O feminismo, diversidade, ecoloxía e cultura formarán parte tranversal deste laboratorio.

Esta iniciativa conta co apoio de Medialab-Prado e o Ministerio de Cultura e Deporte, no contexto da acción de “laboratorios distribuidos”, e coincidirá no seu tempo de realización cun gran número laboratorios cidadáns en organizacións e institucións de España e Latinoamérica.

Inscribe aquí o teu proxecto do 01 de setembro ao 05 de outubro

Axenda e fases da Convocatoria:

Convocatoria de proxectos: do 01 de setembro ao 05 de outubro

Convocatoria de colaboración: do 05 ao 31 de outubro

Celebración do obradoiro: do 01 ao 30 de novembro

Bases da Convocatoria 2021