Rimando e Xogando con Manuel María na Biblioteca do Froxel

No mes do libro rendemos homenaxe a Manuel María, neste seu ano das Letras Galegas. O autor chairego será obxecto de lecturas, xogos, rimas, cancións... Unha maneira de achegar ao público infantil o seu traballo e a súa figura que estará nas voces de Ana Hermida e das nenas e nenos de entre 4 e 11 anos que por alí se acheguen. Teremos pequenos xoguetes poéticos cheos de entretemento, versos que ás veces son cantados, historias unhas, con actividades para a infancia e outras nas que interactúan coa contadora. 

A cita coa poesía será o martes 19 de abril na Biblioteca Francisco Vidal do Froxel (Oseiro), ás 18:50 h.