Hoxe comezamos as clases, presentacións, algún exercicio… coma sempre é unha experiencia marabillosa, hai moita ilusión nos seus ollos e sempre conseguen facer grandes cousas, eu apoio un pouco, o mérito é destas persoíñas que queren xogar ao teatro. Que grande é o teatro! axuda a socializar, perder vergoñas inútiles, gañar vocabulario, mellorar expresividade e memoria, ser solidaria e compañeira, axudar ao amigo, coñecer a nosa cultura… a tantas cousas! Gústame o que fago e gústame como o fan, con inocencia e con gañas, tamén me gusta moito ver ás familias como apoian ás nenas e menos. Sei que sairá algo fermoso neste curso, sempre o conseguen e eu síntome feliz co resultado. Pois a cita semanal na Laracha co teatro e a infancia xa está en marcha, viva o teatro!
Ningún comentario:
Publicar un comentario