martes, 26 de febreiro de 2019

Audiohistorias, homenaxe a Antón Fraguas na Biblioteca de Meicende

Inventaremos personaxes que habiten mundos imaxinarios e ambientaremos historias que contaremos en público, como no teatro, aprendendo o valor de escoita e do silencio. Contaremos coa nosa voz paisaxes sonoras, obras de ficción, poemas… e que o público poida velas cos ollos pechados. Usaremos: expresión, dicción, entoación, músicas, efectos… para enriquecer e adornar as nosas audiohistorias, que nesta ocasión renden homenaxe a Antón Fraguas, a quen a Rag lle dedica o Día das Letras Galegas 2019.

Este obradoiro, dirixido a nenas e nenos de entre 4 e 11 anos, terá lugar na Biblioteca do CSC de Meicende “Antón Castro” do Concello de Arteixo, o mércores 27 de febreiro ás 18:00 h.

Ningún comentario:

Publicar un comentario