Estaremos Contando en Feminino na Biblioteca Central de Arteixo "Henrique Rabuñal"

Os contos da igualdade chegan a Arteixo. Despois de anos de vida de "Contando en Feminino", fainos especial ilusión contar estes contos no lugar onde naceron, na miña terra, onde nacín. 

Serán contos contados dende a perspectiva de xénero e igualdade para ir concienciando á infancia, onde o rol feminino sexa, non o tradicional nos contos, senón algo igualitario. Contos tamén onde o final pode cambiar e tamén onde a protagonista non se vexa como algo inferior e sempre coas mesmas identidades. Xogando e contando, apréndese a formar en igualdade. 

A cita coas historias e coas nenas e nenos será o xoves na Biblioteca Central de Arteixo, ás 18:50 h.

Contando en feminino na Biblioteca Pública de Santiago "Ánxel Casal"

Esta semana en Compostela haberá unha Choiva de contos, actividade de dinamización lectora para o público infantil que organiza a Biblioteca Pública de Santiago Ánxel Casal.

Ana Hermida estará "Contando en feminino" para todas as nenas e nenos maiores de tres anos que por alí se acheguen.

Serán contos contados dende a perspectiva de xénero e igualdade. Contos e historias para ir concienciando aos máis novos, onde o rol feminino sexa, non o tradicional nos contos, senón algo igualitario. Contos tamén onde o final pode cambiar e tamén onde a protagonista non se vexa como algo inferior e sempre coas mesmas identidades. Xogando e contando, apréndese a formar en igualdade.

Será o sábado 27 no Salón de Actos da Biblioteca, ás 12:00 h.

Así estivemos Contando en feminino para o público infantil de Ribeira

Así de participativas estaban as nenas e nenos do CEIP O Grupo de Ribeira na festa de fin de curso. Sen a súa colaboración os contos non serían igual.

Era un público moi numeroso, un total de 250. A actividade pasámola cantando, xogando, contado contos e falando...sempre de igualdade e violencia de xénero. Foi un día cheo de aportacións do público máis esixente e sincero, un día que gardarei na memoria con cariño.  

Ao remate da actividade quedei con todo o alumnado para botar uns bailes e xogar no patio. Grazas por ese día tan bonito e agora... a disfrutar das súas merecidas vacacións.

En Ribeira despediron o curso Contando en feminino

Levaban unha semana de celebracións, festas, actividades... non era para menos, había que despedir debidamente o curso e a todas as amizades e profesorado, a lo menos ata o vindeiro curso.

Aínda así, as 200 nenas e nenos de primaria do CEIP O Grupo de Ribeira, prestaron atención, resolveron as cuestións que foron aparecendo nos contos, participaron activamente e quedaron coa mensaxe final.

Grazas a todo o profesorado, a ANPA e, por suposto, a ese público que respondeu tan ben e que ao remate da actividade adquiriu un compromiso de non exercer nin consentir ningún tipo de violencia. Eu confío na súa palabra e sei que así será. 

Estaremos Contando en feminino para o alumnado de infantil de Ribeira

A mañá do venres será sen dúbida inesquecible, a primeira hora 200 nenas e nenos de primaria, despois chegaralle lo turno aos de infantil, serán 250.

Sei que será ún público delicioso, terán entre catro e oito aniños. Son marabillosos, téñoo comprobado, pórtanse sempre moi ben e ademáis colaboran nos contos e tamén responden debidamente ás cuestións que lles formulo, están moi atentos e á súa curta idade, teñen moi claro o que está ben e o que non o está.

O encontro coa igualdade, cos contos e co alumnado de infantil, será o venres 20 ás 10:00 h. no CEIP O Grupo do Concello de Ribeira.

Festa de fin de curso en Ribeira Contando en feminino

Haberá que madrugar moito, 200 nenas e nenos quererán apurar o último día lectivo, será unha festa chea de contos, historias, divertimento e concienciación na igualdade e violencia de xénero.

A esa idade, terán entre 8 e 12 anos, as súas aportacións e visión dos temas tratados nos contos serán moi interesantes, agardo con impaciencia o debate que sempre hai cando fago este tipo de actividade, é moi enriquecedora.

A cita será o venres 20 ás 09:15 h. no CEIP O Grupo do Concello de Ribeira.

Lisístrata achegouse a Carnota para Enarborar o bosque

Como cada ano a romaría artística reivindicativa "Enarborar o bosque" foi un éxito, era a súa cuarta edición e xa agardamos a quinta. Este ano a cita era en Carnota onde se xuntaron xentes do mundo da escrita, pintura, fotografía, poesía, contacontos, teatro, música... persoas comprometidas coa causa común da defensa do medio ambiente que aportan a súa arte para facer dese día unha festa, a festa da arte e do compromiso.

Grazas ás persoas encargadas da organización: Inma, Xacobe e Delio, tamén a todas as compañeiras e compañeiros cos que compartín un día fermoso. Comezaba a xornada con esta Lisístrata, que xa de moi cedo arengaba ás mulleres que por alí andaban.

Estivemos Contando en feminino para as nenas e nenos de Malpica

Nada máis aparecer as nenas e nenos o primeiro que me preguntou un dos máis pequenos foi, "por que se chaman contos de igualdade?", alí comezaron unha serie de preguntas e respostas, a natural curiosidade da rapazada converteuse nun interesante debate sobre a igualdade.

Foi fermoso ver como se interesaban e me dicían que eles tamén colaboraban nos traballos da casa. As nais, avoas, pais e demáis familiares asentían cando as nenas e nenos me respondían. Cando lle preguntei ao rapaz máis pequeniño se el tamén colaboraba asentiu e antes de felicitalo polo seu comportamento e dicirlle que era o normal, o seu irmán díxome "é verdade, el axúdame cos coxíns cando entre os dous facemos as camas". 

É moi gratificante facer cousas para este público, ao final comprometéronse a non ser nunca violentos nin consentir ningún tipo de violencia, eu creo na súa palabra.

Esta imaxe é dun conto de príncipes, pero non azuis, sabedes por que? porque como eu lles digo, os príncipes azuis... destinguen. 

Lisístrata estará o sábado en Carnota para Enarborar o bosque

Lisístrata achégase este sábado a Carnota, será no IV Enarborar o bosque, romaría artístico-reivindicativa na que este ano se quere chamar a atención sobre o problema crónico dos incendios forestais en Galicia. Participarán poetas, artistas plásticos, fotógrafos, músicos…, nunha xornada lúdica organizada polo colectivo arTeu e Factoría Delideas, Xacobe Meléndrez Fassbender, Inma Doval e Delio Sánchez. 

Aí estará Ana Hermida convertida en Lisístrata, será un pracer volver representarla. Ofrecerá unha mensaxe pacífista, feminista, divertida... 

Será na praia de Boca do Río, (Carnota) baixo o Monte Pindo, entre ás 11:00 h. e as 22:00 h.

A Casa de Man de Camelle foi un lugar privilexiado para Contos moi naturais

O público era o alumnado do Ceip Campo da Area de Camelle, ademáis asistiron as súas mestras e, algo que a min persoalmente me gusta moito, as nais e pais das nenas e nenos.

Falando co público entereime que non tiran papeis nas rúas, sabedes por que? contáronme que os gardan nos petos dos pantalóns, que por certo, teñen cremalleira, así non hai problema de que poidan caer. Tamén me contaron que non lixan as praias... á súa corta idade xa o teñen moi claro.

Entre conto e conto saíu o tema do chapapote e apareceron os verdadeiros heroes, "o meu pai limpou o chapapote", así que convidei a Modesto a que lles contase cousas da grande catástrofe. Foi unha xornada na que as nenas e nenos comprenderon e valoraron o medio natural no que vivimos. Por suposto os heroes de Camelle recibiron un aplauso de todas e todos eles.

Ao remate fixen para eles uns animaliños de papel reciclado, dixeron que ían aprender papiroflexia porque querían facer cousas así, levaron para a súa casa a mostra, así que seguro que xa dominan a técnica.

Así foi o día no que estivemos Contando en feminino en Meaño

Cando o público infantil asiste a un acto e leva consigo ás súas bonecas e bonecos para que disfruten tamén dos contos... que podo dicir? é do máis fermoso que teño visto. 

Non é a primeira vez que me ocorre, chegan sorrindo e cos seus amigos no colo, axúdoos a sentar (ás veces nin chegan aos asentos, como nesta ocasión), acomódanse e dispoñen ás bonecas nun sitio privilexiado e tamén sentadas para que escoiten os contos. 

Cando vexo eses comportamentos e xenerosidade ao compartir, eu non podo máis que sentir unha grande tenrura. Grazas ás nenas e nenos de Meaño, escoitaron os contos con moita atención e participaron moi activamente, portáronse moi ben e... os bonecos tamén.

As nenas e nenos de San Sadurniño estiveron Rimando e Xogando con Díaz Castro

A festa da poesía chegou a San Sadurniño para festexar o Día das Letras Galegas, alí rendimos unha homenaxe ao Xosé María Díaz Castro máis infantil.

Máis dun cento de nenas e nenos de entre tres e oito anos xogaron coas rimas, cantaron... e por suposto, leron moitos poemas, mesmo escenificaron algún que outro. Ao rematar recibiron un sentido aplauso dos seus compañeiros que abarrotaban a Casa da Cultura. É fermoso ver como a ese público tan noviño se lle enchen os ollos de alegría ao ler e disfrutar coa poesía. 

Grazas a todas e todos eles, portáronse moi ben, estiveron moi atentos, participativos, contáronme cousas de Díaz Castro, tamén me contaron o moito que lles gustaba ler... foi un día moi emotivo. 

Por suposto ese público marabilloso foi o protagonista dese día, subían ao escenario, dicían o seu nome, o título do poema e recitaban ante o auditorio, que máis se pode pedir? as caras e olliños de felicidade dicíano todo. Rematamos bailando con Díaz Castro e a música de A Quenlla. 

Contando en feminino en Malpica

Esta semana "Contando en feminino" achégase á Costa da Morte, concretamente ao Concello de Malpica.

Serán contos e historias dende a perspectiva de xénero e igualdade para ir concienciando ao público máis noviño, onde o rol feminino sexa, non o tradicional nos contos, senón algo igualitario. Contos tamén onde o final pode cambiar e tamén onde a protagonista non se vexa como algo inferior e sempre coas mesmas identidades. Xogando e contando, apréndese a formar en igualdade.

A cita será na Biblioteca Pública Municipal de Malpica “Eduardo Blanco Amor” o venres 23, ás 18:00 h.

Rimando e xogando... con Díaz Castro, na axenda da AELG

A "AELG" Asociación de Escritores en Lingua Galega, leva na súa axenda cultural a actividade que Ana Hemida levará a cabo para achegar a poesía ao público infantil do CPI San Sadurniño.

Renderase unha homenaxe ao escritor Xosé María Díaz Castro, poeta ao que este ano se lle adica o Día das Letras Galegas.

Déixamos aquí o enlace SAN SADURNIÑO: RIMANDO E XOGANDO, POR ANA HERMIDA, ARREDOR DA POESÍA DE XOSÉ MARÍA DÍAZ CASTRO

Rimando e Xogando en San Sadurniño, con Díaz Castro

Esta semana estaremos en San Sadurniño para render homenaxe a Xosé María Díaz Castro, neste seu ano das Letras Galegas. 

O poeta chairego será obxecto de lecturas, xogos, rimas, cancións... unha maneira de achegar ao público infantil o seu traballo e a súa figura.

Será o noso o Díaz Castro máis infantil, estará nas voces de Ana Hermida e das nenas e nenos de entre 3 e 8 anos do CEIP de San Sadurniño.

A cita coa poesía e con Díaz Castro, será o venres 16 na Casa da Cultura de San Sadurniño, ás 12:00 h.

Contando en feminino no blog de Ler Conta Moito

Deixamos aquí a entrada que fixeron no blog de Ler conta moito, referente á actividade que realizou Ana Hermida con "Contando en feminino" na biblioteca municipal do Concello de Meaño.

Deixamos aquí o enlace CONTANDO EN FEMININO - CONTOS DE IGUALDADE

Contos moi naturais na Voz de Galicia

Así recolle o xornal La Voz de Galicia a sesión de Contos moi naturais, que terá lugar o martes 13 na Casa de Man de Camelle.

Contos moi naturais na Casa de Man de Camelle

A Casa da Cultura de Camelle "Casa de Man" acolle o martes día 13 unha sesión de Contos moi naturais.

Serán contos enfocados a por en valor a natureza, a defensa do medio ambiente, contos que falan de contaminación, de incendios, do amor á natureza, aos animais… somos parte da natureza, somos naturais coma as árbores, a auga, os paxaros… xogando e contando, defendemos e concienciamos da importancia do noso hábitat para así poder respectalo e coidalo debidamente.

Será unha cita co público infantil do CEIP Campo da Area de Camelle, ao que tamén está convidado o alumnado das unitarias da vila. 

A cita nese lugar tan emblemático e idóneo para espertar e coidar conciencias medioambientais, será na Casa de Man de, o martes 13, ás 16:00 h.

Contando en feminino na Biblioteca Municipal de Meaño

O vindeiro xoves, Ana Hermida estará Contando en feminino na Comarca do Salnés, concretamente no Concello de Meaño.

Serán contos contados dende a perspectiva de xénero e igualdade para ir concienciando aos máis novos, onde o rol feminino sexa, non o tradicional nos contos, senón algo igualitario. Contos tamén onde o final pode cambiar e tamén onde a protagonista non se vexa como algo inferior e sempre coas mesmas identidades. Xogando e contando, apréndese a formar en igualdade.

A cita con todas as nenas e nenos, será na biblioteca municipal do Concello de Meaño, ás 18:00 h.

O Día do Libro estivemos Rimando e Xogando na biblioteca de Froxel

As nenas e nenos da parroquia de Oseiro festexaron o Día do Libro "Rimando e Xogando" na biblioteca de Froxel, moi preto da casa onde naceu Murguía, marido da gran poeta Rosalía de Castro, lugar idóneo para festexar ese día.

A biblioteca encheuse de público infantil que ía dende os tres aniños ata mozas de catorce. Todas e todos quixeron participar, rimaron, cantaron, inventaron poemas, leron no atril... foi un día moi bonito. Tamén me gusta moito cando vexo aos maiores que acompañan ao público infantil, participar da festa da poesía.

Teño comprobado que a poesía gústalles moito a nenas e nenos, disfrutan con Helena Villar Janeiro, Manuel María, Antón Cortizas, Xesús Rábade Paredes, Dora Vázquez, Rosalía de Castro, Xosé María Díaz Castro... Gústame ver como disfrutan lendo no atril, tómano moi en serio, eu dígolles que digan o nome do poema, autor ou autora e reciten a poesía en voz alta, clara e pausada, canto rematan reciben un aplauso de todos os presentes, nótase que disfrutaron o momento.

Cando poño fotos dos menores, é porque hai previo consentimento. Así que cando non se pode, poño algo que ilustre a actividade, como este dado, elemento para rimar, como? ahhh...

Rimando e Xogando na axenda da AELG

A Asociación de Escritores en Lingua Galega (AELG), leva na súa axenda a actividade de Rimando e Xogando.

Poetas como Rosalía de Castro, Helena Villar Janeiro, Anisia Miranda, Xesús Rábade, Manuel María... son o eixo fundamental para achegar a poesía ao público infantil. Grazas a todas e todos eles, as nenas e nenos poden coñecer este fermoso mundo das rimas, poemas... a música das palabras.

Premede no enlace O FROXEL, ARTEIXO: RIMANDO E XOGANDO, CON ANA HERMIDA

A biblioteca Francisco Vidal de Froxel celebra o Día do Libro "Rimando e Xogando"

Celebramos o Día do Libro "Rimando e Xogando" na biblioteca de Froxel. É unha das actividades que ademáis de promover o hábito lector entre o público infantil, servirá tamén para celebrar o primeiro cuarto de século das bibliotecas municipais de Arteixo.

As nenas e nenos de Oseiro teñen unha cita coa poesía, coas rimas... Unha maneira de achegar os nosos autores ao público máis esixente, o infantil. Coñecerán autores, poemas, cantigas populares, adiviñas, cantares de cego... Haberá xogos, cancións... as nenas e nenos serán parte fundamental nesa hora de versos e rimas. Será un momento precioso de encontro coa poesía. 

A cita para pasar uns momentos inesquecibles, será o martes 22 de abril na biblioteca de Froxel (Oseiro) en Arteixo, ás 18:50 h.

Un día Contando en feminino en Vilar de Barrio

Nas terras da Limia, preto dun niño de cegoñas e nun colexio onde todos son unha gran familia, estivo Ana Hermida Contando en feminino para todas e todas as nenas e nenos do Ceip Plurilingüe de Vilar de Barrio.

Aquí estaba recén chegada e despois de xogar coa rapazada, facendo as presentacións de persoas, contos e autores. Vemos ao público moi atento e tranquilo... co paso do tempo virían gargalladas, preguntas, dúbidas, xogos, colaboracións...

Grazas a todas e todos eles, tamén a todo o profesorado. Foi un día moi bonito e non apetecía rematar, pero o alumnado debía ir xantar e a contadora tiña moitos quilómetros que percorrer. Noutra ocasión...

A Biblioteca Pública da Coruña, Miguel González Garcés celebra o Día da Muller con "Contando en Feminino"

Nun mes cargado de actos para celebrar o Día da Muller, a biblioteca Miguel González Garcés organizou unha sesión de contacontos para todas as nenas e nenos, aí estaba Contando en feminino e Ana Hermida para tentar concienciar ao público infantil.

Os contos son unha ferramenta verdadeiramente importante para achegar ao público infantil a determinados temas e todo esto sen adoutrinar nin moralizar. Case sen darse conta, entreténdose e divertíndose, ese público tan intelixente toma contacto co tema da igualdade e violencia de xénero.

Razoan dunha forma lóxica e ata o de agora todas e nenos responden moi ben e buscan solucións ao que se lles propón. Sen dúbida irán medrando debidamente. Seguro que así será, teño a súa palabra e o seu compromiso.

Rimando e Xogando en Meicende

Na biblioteca Antón Castro de Meicende, en Arteixo, as nenas e nenos estiveron Rimando e xogando. Actividade incluída dentro dos actos para festexar os 25 anos de vida das bibliotecas municipais de Arteixo.

Aquí podemos ver a Andrea, decidida a ler un poema no atril. Fíxoo moi ben e, por suposto, obtivo un aplauso de todas as persoas asistentes. Como ela, outras nenas e nenos estiveron facendo rimas e xogando coas palabras, tamén coñeceron a mulleres e homes poetas da nosa terra, así como algúns dos seus traballos.

Houbo tempo para xogos, adiviñas, trabalinguas... foi un día bonito e o tempo fíxose moi curto, querían máis, pero había que marchar. Noutra ocasión seguiremos disfrutando da poesía e ofrecéndollela a todas as nenas e nenos.

Así estivemos en Oleiros Contando en feminino

Para conmemorar o Día da Muller, as bibliotecas de Oleiros organizaron un mes cheo de actos, entre os cales estaba a sesión de Contando en feminino, contos sobre a igualdade de xénero.

As nenas e nenos de Santa Cruz responderon debidamente ao que se lles propuxo. Amosaron moito interese, colaboraron, riron, e... por suposto concienciáronse, entre conto e conto, en temas de igualdade. Entenderon que hai cousas que non se deben facer nin consentir. Ao final obtiven o compromiso de todas e todos eles.

Xa vedes as idades dalgunha das persoas do público, aí estaba Ana Hermida atendendo e aclarando todas as súas dúbidas.

Estivemos Rimando e Xogando na Biblioteca Garcés da Coruña

Para celebrar o Día da Poesía, a Biblioteca Pública da Coruña "Miguel González Garcés" organizou unha festa, a da Poesía, aí estiveron cos poemas, coas rimas, lendo... todas as nenas e nenos para xogar coas palabras.

As caras que amosaban eran mostra do que se estaban a divertir. Cando lles preguntaba se sabían que a poesía podía ser tan divertida e calquera cousa podía ser susceptible de lle facer un poema, sorprendíanse porque non crían que fose tan bonita e divertida ao mesmo tempo. Comprenderon que si era divertido ler un poema, rimar, xogar, cantar, adiviñar, ata compoñer eles mesmos unha pequena poesía.

Acabamos todas e todos a unha recitando a Rosalía, que mellor final!

A Biblioteca Pública da Coruña "Miguel González Garcés" encheuse de Contos moi naturais

As nenas e nenos responderon debidamente, amosaron interese, curiosidade, prestaron moita atención, divertíronse e o máis importante, prometeron coidar o medio ambiente e fixeron a promesa de protexer e defender a natureza.

Entre contos, historias, debuxos, descubrimentos e cousas sorprendentes, a conciencia lóxica e natural de coidar o noso mundo, os seres vivos e a natureza, foi aparecendo aos poucos entre historia e historia. 

Sei que cumprirán a súa promesa e serán unhas persoas comprometidas e defensoras do medio ambiente. 

Rimando e Xogando na biblioteca de Meicende

Estaremos contando historias en verso, historias de risa, de medo, da natureza, de xogos, da fala, cantares de cego… historias e versos ás veces cantados, historias unhas, con actividades para nenas e nenos e outras nas que interactúan coa contadora. Poemas axeitados á súa idade e que entenden perfectamente, pequenos xoguetes poéticos cheos de entretemento.

Será na biblioteca "Antón Castro" de Meicende, Arteixo, ás 18:50 h.

Contando en feminino para o CEIP Plurililngüe de Vilar de Barrio

O vindeiro 4 de abril, Ana Hermida estará Contando en feminino na provincia de Ourense, concretamente no concello de Vilar de Barrio, pertencente á comarca da Limia.

Serán contos contados dende a perspectiva de xénero e igualdade, para ir concienciando aos máis novos, onde o rol feminino sexa, non o tradicional nos contos, senón algo igualitario. Contos tamén onde o final pode cambiar e tamén onde a protagonista non se vexa como algo inferior e sempre coas mesmas identidades.

O público, sempre esixente, será o alumnado do CEIP Plurilingüe de Vilar de Barrio, alí os contos agardarán por todas e todos ás 12:45 h.

Rosalía de Castro no Faro de Vigo

Así recolle o Faro de Vigo a visita de Ana Hermida á Biblioteca Pública "Rosalía de Castro" de Vilagarcía de Arousa, coa súa representación "Tecín soia a miña tea", dramatizacións de textos de Rosalía de Castro, para celebrar o Día da Poesía.

A información completa está no enlace A BIBLIOTECA MUNICIPAL CONMEMORA O DÍA DA POESÍA COA DRAMATIZACIÓN DA OBRA DE ROSALÍA DE CASTRO

Tecín soia a miña tea en Vilagarcía, no blog de "Ler Conta Moito"

Deixamos aquí a entrada que fixeron no blog de Ler Conta Moito referente á actividade que realizou Ana Hermida con "Tecín soia a miña tea", que tivo lugar na biblioteca pública Rosalía de Castro, de Vilagarcía. 

Premede no enlace TECÍN SOIA A MIÑA TEA EN VILAGARCÍA

Contando en feminino en Oleiros, no blog de "Ler Conta Moito"

Deixamos aquí a entrada que fixeron no blog de Ler Conta Moito referente á actividade que realizou Ana Hermida con "Contando en feminino", que tivo lugar na biblioteca pública Rosalía de Castro. Santa Cruz, Oleiros.

Deixamos aquí o enlace CONTANDO EN FEMININO EN SANTA CRUZ

Rosalía de Castro na Voz de Galicia

Así recolle A Voz de Galicia a visita que Ana Hermida fixo á Biblioteca Municipal de Vilagarcía coa obra "Tecín soia a miña tea", unha homenaxe a Rosalía de Castro baseada en dramatizacións dos seus textos.

A Biblioteca Pública de Vilagarcía homenaxea a Rosalía de Castro

A Biblioteca Pública de Vilagarcía de Arousa "Rosalía de Castro" celebrou o 21 de marzo, Día da Poesía, co espectáculo "Tecín soia a miña tea" que correu a cargo de Ana Hermida. 

Esta actividade foi o colofón aos actos programados pola biblioteca con motivo da conmemoración do nacemento de Rosalía de Castro.

A dramatización de textos de Rosalía de Castro tivo lugar nun marabilloso ambiente rosaliano, entre paneis sobre a vida e obra da escritora e unha ampla exposición de libros da poeta así como tamén dos que estudan a súa figura. Todo canto alí había era unha homenaxe sentida a Rosalía de Castro.

Rimando e Xogando, actividade proposta pola Consellería de Educación para celebrar o Día da Poesía, na biblioteca nodal da Coruña

A Consellería de Cultura, Educación e Ordenación Universitaria ofrece esta semana unha programación especial de actividades nas bibliotecas nodais de Galicia para conmemorar o Día Internacional da Poesía, que se celebra o vindeiro 21 de marzo. 

Co obxectivo de animar a cidadanía a participar neste festexo literario, as bibliotecas nodais de Vigo, Pontevedra, Ourense, Lugo, A Coruña e Santiago de Compostela organizan diversas actividades, entre as que se inclúen lecturas poéticas, certames, obradoiros e mostras bibliográficas para todos os públicos.

Na biblioteca pública Miguel González Garcés e para o público máis esixente, Ana Hermida estará Rimando e Xogando, para fomentar o amor pola poesía e achegar os poemas en todas as súas facetas ás nenas e nenos.

Para máis información deixamos este enlace  CULTURA E EDUCACIÓN CONVIDA A CELEBRAR O DÍA DA POESÍA CUNHA PROGRAMACIÓN ESPECIAL NAS BIBLITOECAS NODAIS DE TODA GALICIA

A Biblioteca Pública da Coruña "Miguel González Garcés" celebra o Día da Poesía con Rimando e Xogando

Esta actividade está enmarcada dentro dun amplo programa que desenvolve a Consellería de Educación e Cultura nas súas bibliotecas nodais.

As nenas e nenos que se acheguen á biblioteca xogarán coas palabras, disfrutarán cos poemas, rimarán, cantarán... coñecerán autores, cantares de cego, cantigas populares... entretemento, diversión, cultura e amor á poesía será o eixo condutor nunha mañá de festa, a da poesía, pensada especialmente para ese público infantil, sempre tan esixente.

O sábado 22, ás 12:00 h. e no vestíbulo do biblioteca, a poesía estará agardando por todas as nenas e nenos.

A visita de Rosalía de Castro a Vilagarcía, recollida no Noticieiro Galego

Na prensa recollen a visita que fará Ana Hermida á biblioteca de Vilagarcía para celebrar o Día da Poesía coa dramatización de textos de Rosalía de Castro.

A noticia está no enlace que deixamos aquí A BIBLIOTECA DE VILAGARCÍA CELEBRA O DÍA DA POESÍA CUNHA DRAMATIZACIÓN DE POEMAS DE ROSALÍA DE CASTRO

Vilagarcía celebra o Día da Poesía con Tecín soia a miña tea, a particular visión que ofrece Ana Hermida sobre Rosalía de Castro

A biblioteca municipal de Vilagarcía "Rosalía de Castro" celebra o Día da Poesía cun recital sobre a poeta que lle dá nome á súa biblioteca.

Shakespeare describía a poesía como esa música que todo home leva en si. A poesía é unha expresión profunda do espírito humano, como arte universal, é unha ferramenta de diálogo e achegamento. Ao dar acceso á expresión auténtica dunha lingua, a difusión da poesía contribúe ao diálogo entre as culturas e ao entendemento mutuo. Así o comprobamos no fervor co que os pobos celebran o patrimonio cultural inmaterial, as linguas maternas e a diversidade cultural, ámbitos nos que a poesía desempeña sempre un papel fundamental. (Irina Bokova).

A cita coa poesía será na Biblioteca de Vilagarcía, o venres 21 ás 11:00 h. Alí Ana Hermida ofrecerá unha visión divertida, reivindicativa, defensora da muller...

A AELG leva na súa axenda a nosa Rosalía de Castro en Vilagarcía

A Asociación de Escritores en Lingua Galega, sempre coas escritoras e escritores galegos, publicita na súa páxina o recital que terá lugar na biblioteca de Vilagarcía con motivo do Día da Poesía.

Deixamos o enlace á páxina VILAGARCÍA: ESPECTÁCULO TECÍN SOIA A MIÑA TEA

Contando en feminino na biblioteca municipal Rosalía de Castro de Santa Cruz, Oleiros

O lugar non pode ser máis idóneo, a Biblioteca e Centro de Documentación da Muller Rosalía de Castro, en Santa Cruz. 

O mércores 19, Ana Hermida estará tentando concienciar ao público infantil en temas de igualdade de xénero. A través dos contos e case sen darse conta, xogando e divertíndose, ese público marabilloso é quen de razoar e dar respostas a cuestións que se plantean e que resolven acertadamente.

Esta actividade está encadrada dentro dun amplo programa que o Concello de Oleiros preparou para este mes con motivo do Día Internacional da Muller, que tivo lugar o pasado día 8.

A cita cos contos e con todas as nenas e nenos será ás 18:30 h. na biblioteca.

Así anuncia o Concello de Oleiros a nosa actividade Contando en feminino

Co obxectivo de conmemorar o Día Internacional da Muller, as Bibliotecas de Oleiros desenvolverán un amplo programa de actividades. Dentro desas actividades está Contando en feminino, que chegará á Biblioteca Municipal Rosalía de Castro, en Santa Cruz o día 19 ás 18:30 h. Aí estará Ana Hermida contando contos  dende a perspectiva de xénero e igualdade.

Para máis información desta actividade e de todo o programa, premede no enlace DÍA DA MULLER NAS BIBLIOTECAS MUNICIPAIS DE OLEIROS

Contando en feminino na Biblioteca Pública da Coruña "Miguel González Garcés"

Con motivo do Día Internacional da Muller que tivo lugar o 8 de marzo, a Biblioteca Pública da Coruña "Miguel González Garcés" ten previsto unha actividade para concienciar ao público infantil en temas de igualdade.

Ana Hermida estará "Contando en feminino" para todas as nenas e nenos maiores de tres anos que por alí se acheguen. 

Serán contos contados dende a perspectiva de xénero e igualdade. Contos e historias para ir concienciando aos máis novos, onde o rol feminino sexa, non o tradicional nos contos, senón algo igualitario. Contos tamén onde o final pode cambiar e tamén onde a protagonista non se vexa como algo inferior e sempre coas mesmas identidades. Xogando e contando, apréndese a formar en igualdade.

Será o sábado 15 no vestíbulo do Salón de Actos, ás 12:00 h.

O Concello e o CPI de San Sadurniño lembran a Rosalía no aniversario do seu nacemento

O Día de Rosalía, Ana Hermida estivo en San Sadurniño, foi un día fermoso polo que ten de significado e o público ao que se dirixía. Escolares do CPI foron ese marabilloso público, sorprendido, comunicativo, interesado... Escoitaron atentamente, riron cos poemas de Rosalía, interactuaron con ela, descubriron a faceta feminista e reivindicativa, emocionáronse onde o texto así o indicaba... 

O Día de Rosalía foi unha homenaxe de todas e todos eles, secundaria, primaria e ata infantil. Un dos encontros máis emotivos foi cando as nenas e nenos de tres aniños recitaron a Rosalía a coro, sabían os seus poemas, que fermoso! así se fomenta o amor polo noso. Onte o colexio foi "tomado" literalmente polos versos e a figura Rosaliana, no patio, na entrada, nas clases... onde a visita inesperada descolocaba ao alumnado e participaban desta homenaxe e recoñecemento. 

Por suposto, as xentes do concello fixeron posible tal actividade, así como o persoal do centro educativo. Ana Hermida convertida en Rosalía, pedíalle a San Antonio un homiño... e atopouno, para mostra déixovos esta foto.

A información desta homenaxe está na web do Concello, premede no enlace 
ROSALÍA EN SAN SADURNIÑO

Rosalía de Castro no Diario de Ferrol

No Diario de Ferrol, fixéronse eco da visita sorpresa que Ana Hermida fixo ao CPI de San Sadurniño. O alumnado quedou sorprendido ante a visita inesperada, participaron alumnas e alumnos de secundaria, mestres, persoal administrativo, director e xefe de estudos, persoal do concello...

Grazas a todas e todos eles por participar nesta homenaxe a Rosalía de Castro no seu día. 

Premede no enlace  POESÍA, TEATRO E REFLEXIÓN NO DÍA DE ROSALÍA 

Rosalía de Castro na AELG

A Asociación de Escritores en Lingua Galega, facíanse eco da visita da nosa particular Rosalía de Castro ao concello de San Sadurniño.

Era esta unha visita e actuación para os escolares do CPI de San Sadurniño, que pretendía ser unha sorpresa para todas e todos eles, como así foi, polo que non se ofrecía moita información.

Así o recollía a AELG, premede no enlace.

SAN SADURNIÑO: TECÍN SOIA A MIÑA TEA, HOMENAXE A ROSALÍA, CON ANA HERMIDA

O 24 de febreiro, Rosalía de Castro visitará San Sadurniño

O 24 de febreiro, o concello de San Sadurniño ten preparado unha serie de actos conmemorativos para celebrar o Día de Rosalía. 

Con tal motivo Ana Hermida achega a súa obra "Tecín soia a miña tea", para homenaxear á nai das nosas letras.

Serán dramatizacións de poemas de Rosalía de Castro. Este espectáculo pretende amosar unha Rosalía actual, como os temas que ela trata, tan vixentes hoxe en día. A relación cos homes, a defensa da muller, da súa terra... O desexo e ansias súas polo teatro "eu quería ser actriz e non me deixaron". Unha Rosalía, a veces divertida, outras reivindicativa, dura. Unha muller interpretando a outra muller. Poemas, e algunha canción para honrar a nai da nosa terra.

Programación de febreiro na Biblioteca Pública da Coruña, Miguel González Garcés

Así é como se publicita a actividade de contacontos da nosa asociación, na Biblioteca Nodal da Coruña. O sábado 15 é a próxima e os contos xa están preparados para as nenas e nenos que por alí se acheguen.

Desta vez a cita será coa natureza, co medio ambiente. Concienciando coa lectura, cos libros, co marabilloso mundo máxico dos contos.

Os contos e lendas na Biblioteca Nodal da Coruña

O pasado sábado, as nenas e nenos escoitaron historias máxicas e descoñecidas. Cos ollos abertos e prestando moita atención a todo canto Ana Hermida lles contaba, o mundo das historias que ao longo do tempo foron converténdose en lendas, prendeu en todas e cada una das personiñas que na biblioteca estaban, para entender o porqué de algunhas cousas e disfrutar con outras tantas. 

A contadora quedou aínda máis marabillada que ese público tan atento. Os ollos, as caras e os sorrisos que amosaban, eran mostra do que estaban a disfrutar. Grazas a todas e a todos.

Mesmo houbo quen grazas ao poder dunha auga máxica, puido revivir e saír victorioso das aventuras na súa historia.