luns, 19 de novembro de 2018

"Contando en feminino" en Compostela, dentro da campaña do 25N: En negro contra as violencias

O Concello de Santiago de Compostela para conmemorar o 25N dentro da campaña: En negro contra as violencias, organizou unha ampla programación que inclúe Contando en feminino, onde Ana Hermida achegará á infancia historias contadas desde a perspectiva de xénero e igualdade, onde o rol feminino sexa, non o tradicional nos contos, senón algo igualitario. Contos tamén onde o final pode cambiar e onde a protagonista non se vexa como algo inferior e sempre coas mesmas identidades. Xogando e contando, apréndese a formar en igualdade.

A cita coa igualdade será o venres 23 de novembro de novembro ás 18:00 h. no CSC Pontepedriña.

O Concello de Valga programa "Miña casiña meu lar" o 25N dentro da campaña: En negro contra as violencias

“Miña casiña, meu lar” amosa a realidade da muller no seu entorno diario, reflicte a crúa situación das mulleres maltratadas, tanto no físico, coma no verbal, sexual, laboral, psíquico… Diferentes situacións, diferentes mulleres e unha soa actriz que dá vida a todas elas. Sempre cun eixo común, a inxusta realidade coa que se atopan, aínda hoxe, as mulleres no seu día a día. Todo esto posto enriba dun escenario para tentar concienciar ao público na igualdade e violencia de xénero e promover o debate sobre o tema.

EscóitameTamén, ten como propósito honrar e amplificar aínda máis as voces das persoas, xa sexa a dunha ama de casa no seu fogar, a dunha alumna que sofre abusos do seu profesor, a dunha secretaria de oficina, a dunha deportista... É unha chamada a escoitar e a crer ás persoas sobreviventes, a poñer fin á cultura do silencio e a que a nosa resposta teña como centro de atención as persoas sobrevivientes. Debe deixar de cuestionar a credibilidade da vítima e no seu lugar hai que centrarse na rendición de contas do agresor. Aquelas persoas que alzaron a voz axudáronnos a entender mellor como o acoso sexual chegou a normalizarse e mesmo xustificarse como parte inevitable da vida dunha muller. Trátase dun círculo vicioso que debe terminar. É absolutamente inaceptable que a gran maioría dos autores da violencia contra mulleres e nenas quede impune. 

A lexislación debe recoñecer que o acoso sexual é unha forma de discriminación contra as mulleres e unha violación dos dereitos humanos, expresando e rexenerando o concepto de desigualdade que ten lugar en moitos ámbitos da vida, desde as escolas ata o lugar de traballo, desde os espazos públicos ata Internet. Se as leis protexen os lugares de traballo, tanto formais como non formais, as persoas traballadoras máis vulnerables terán máis oportunidades de sinalar o abuso e ser escoitadas. Tolerancia cero ante calquera tipo de abuso. (Phumzile Mlambo-Ngcuka).

Será o sábado 25 de novembro ás 18:30 h. no auditorio do Concello de Valga.

Estaremos "Contando en feminino" no Concello de Santiso para conmemorar o 25N

Ana Hermida achegará á infancia historias contadas desde a perspectiva de xénero e igualdade, onde o rol feminino sexa, non o tradicional nos contos, senón algo igualitario. Contos tamén onde o final pode cambiar e onde a protagonista non se vexa como algo inferior e sempre coas mesmas identidades. Xogando e contando, apréndese a formar en igualdade.

O Concello de Santiso programa esta actividade para concienciar na igualdade, violencia de xénero e feminismo ao alumnado do Ceip de Arcediago. Será o venres 23 de novembro ás 12:30 h.

O Concello de Sada programa "Mulleres no espello", teatro para conmerorar o 25N, dentro da campaña: En negro contra as violencias

Estaremos no Concello de Sada, a Perla das Mariñas, ofrecendo unha ollada a traves da escrita de varios autores sobre a personalidade da muller: o amor, a vinganza, o erotismo, a paixón… Unha exploración sobre a condición feminina e a súa loita continua por existir dunha maneira digna e independente. Orbitamos ao redor da Muller nun enredo convocado para gozar, compartir e sumar.

Será o sábado 24 na Casa da Cultura do Concello de Sada, dentro dos actos programados pola Concellaría de Cultura para conmemorar o 25N "Día Internacional da Eliminación da violencia contra a Muller", e dará comezo ás 20:00 h.

Estaremos "Contando en feminino" en Cee, dentro da campaña do 25N: En negro contra as violencias

Ana Hermida achegará á infancia historias contadas desde a perspectiva de xénero e igualdade, onde o rol feminino sexa, non o tradicional nos contos, senón algo igualitario. Contos tamén onde o final pode cambiar e onde a protagonista non se vexa como algo inferior e sempre coas mesmas identidades. Xogando e contando, apréndese a formar en igualdade.

Por iniciativa do Cim do Concello de Cee estaremos concienciando na igualdade, violencia de xénero e feminismo ao alumnado de 1º, 2º e 3º de Primaria do Ceip Eugenio López e CPR Manuela Rial Mouzo. Será o mércores 21 de novembro ás 10:30 h. na Casa da Cultura de Cee.

"A historia en Feminino" chega a Ferrol para conmemorar o 25N

Viaxaremos ao Concello de Ferrol para contar a "Historia en Feminino", alí Ana Hermida fará un achegamento ao alumnado do Ceip de Pazos, das moitas e sobresaíntes, así como descoñecidas, mulleres que houbo ao longo da historia. Científicas, guerreiras, inventoras, aventureiras, deportistas, escritoras, músicas… todas teñen cabida nesta historia en feminino. Está promovida esta actividade pola Anpa Pazos.

Conmemoramos o 25N visibilizando ás mulleres borradas da historia, o xoves 22 de novembro ás 11:00 h., onde faremos dúas sesións, para infantil e primaria, na Biblioteca Xoán Farias do Ceip de Pazos.

domingo, 18 de novembro de 2018

Estaremos "Contando en feminino" en Cee, dentro da campaña do 25N: En negro contra as violencias

Ana Hermida achegará á infancia historias contadas desde a perspectiva de xénero e igualdade, onde o rol feminino sexa, non o tradicional nos contos, senón algo igualitario. Contos tamén onde o final pode cambiar e onde a protagonista non se vexa como algo inferior e sempre coas mesmas identidades. Xogando e contando, apréndese a formar en igualdade.

Por iniciativa do Cim do Concello de Cee estaremos concienciando na igualdade, violencia de xénero e feminismo ao alumnado de Educación Infantil da EEI da Pereiriña, CPR Manuela Rial Mouzo, Ceip A Igrexa de Brens e Ceip Eugenio López. Será o martes 20 de novembro ás 10:30 h. na Casa da Cultura de Cee.

luns, 12 de novembro de 2018

O Concello de Coristanco programa "Mulleres no espello", teatro para conmerorar o 25N, dentro da campaña: En negro contra as violencias

Estaremos no Concello de Coristanco, na Comarca de Bergantiños, ofrecendo unha ollada a traves da escrita de varios autores sobre a personalidade da muller: o amor, a vinganza, o erotismo, a paixón… Unha exploración sobre a condición feminina e a súa loita continua por existir dunha maneira digna e independente. Orbitamos ao redor da Muller nun enredo convocado para gozar, compartir e sumar.

Será o venres 16 na Casa da Cultura do Concello de Coristanco, dentro dos actos programados polo concello para conmemorar o 25N "Día Internacional da Eliminación da violencia contra a Muller", está dirixido ao público escolar para concienciar na igualdade e violencia de xénero e dará comezo ás 12:00 h.

martes, 6 de novembro de 2018

Celebramos o magosto contando "A historia en Feminino" no Concello de Ribeira

Viaxaremos á Comarca do Barbanza para contar a "Historia en Feminino" no Concello de Ribeira, Ana Hermida fará un achegamento ao público infantil e adulto das moitas e sobresaíntes, así como descoñecidas, mulleres que houbo ao longo da historia. Científicas, guerreiras, inventoras, aventureiras, deportistas, escritoras, músicas… todas teñen cabida nesta historia en feminino. Está promovida esta actividade pola Asociación Veciñal de Carreira.

Celebraremos o magosto coa veciñanza de Carreira, visibilizando ás mulleres borradas da historia, o sábado 10 de novembro ás 19:00 h. na Casa da Cultura de Ribeira.

domingo, 4 de novembro de 2018

O Concello de Pazos de Borbén celebrou o Día de Rosalía con “Tecín soia a miña tea”

A Biblioteca de Pazos de Borbén programou "Tecín soia a miña tea" para celebrar o Día de Rosalía. Cada vez que fago esta actividade para o público escolar disfrútoa moito, que descubran a Rosalía é unha sensación marabillosa, sempre ocorre o mesmo, risas e máis risas, moitas mans erguidas para ler a súa obra, preguntas e máis preguntas que nacen da curiosidade ante o que están a ver… Cando Ana Hermida, esta particular Rosalía, sae ao seu encontro non saben onde meterse, póñense de todas as cores, aínda así, todo o mundo quere participar. No Concello de Pazos de Borbén o público eran persoas usuarias de Aspavi e alumnado do CPI Curros Enríquez, espero que prendera o amor pola obra e figura rosaliana, a xulgar polo que vin, penso que así foi. 

domingo, 21 de outubro de 2018

Celebramos o Día da Biblioteca contando "A historia en Feminino" no Concello de A Mezquita

Viaxaremos á Comarca de Viana, a terra dos Tres Reinos, na fronteira de Galicia, Castela e Portugal, alí no Concello da Mezquita, Ana Hermida fará un achegamento ao mundo infantil das moitas e sobresaíntes, así como descoñecidas, mulleres que houbo ao longo da historia. Científicas, guerreiras, inventoras, aventureiras, escritoras, músicas… todas teñen cabida nesta historia en feminino. Está promovida esta actividade polo Concello e a Asociación Os Tres Reinos.

Celebraremos o Día da Biblioteca coa Historia en Feminino o venres 26 de outubro ás 16:00 h. no Edificio Multiusos do Concello da Mezquita.

O Concello do Rosal programa "Contando en feminino", contos de igualdade, para celebrar o Día da Biblioteca

Ana Hermida achegará á infancia historias contadas desde a perspectiva de xénero e igualdade, onde o rol feminino sexa, non o tradicional nos contos, senón algo igualitario. Contos tamén onde o final pode cambiar e onde a protagonista non se vexa como algo inferior e sempre coas mesmas identidades. Xogando e contando, apréndese a formar en igualdade.

Celebramos así o Día da Biblioteca, porque “houbo un día no que esa biblioteca non existía. Alguén a soñou, loitou por ela, encheuna de libros e tamén de soños. Que non haxa un só ser humano conectado ao que foi, ao que é e ao que será. Na túa man hai millóns de mans, estreitando a túa, acompañándote no camiño. No libro que te espera na mesa de noite ou xunto ao sofá, hai millóns de libros. Inxenuos ou complexos, humildes ou luxosos. Pero todos preciosos. Conectados todos por un invisible fío de prata que une man con man, andel con andel, un fío inacabable e luminoso. Inacabable, e así sexa. Hoxe é o Día da Biblioteca, que é o mesmo que dicir O día da Luz. Feliz día, feliz século” (Gonzalo Moure Tenor).

A cita cos contos e coa igualdade será o mércores 24 de outubro ás 11:00 h., con dúas sesións para o alumnado de infantil e primaria do Cra María Zambrano, na Biblioteca Pública Municipal do Concello de O Rosal.

mércores, 10 de outubro de 2018

Celebramos o Día das Escritoras na Biblioteca Ánxel Casal de Compostela con "Palabra de Muller"

A Biblioteca Pública de Santiago Ánxel Casal celebra o Día das Escritoras co recital “Palabra de muller”, no que, baixo o tema rebeldes e transgresoras, farase un percorrido pola obra de mulleres pioneiras, rebeldes, silenciadas, inxustamente tratadas, incomprensiblemente esquecidas... ás que queremos honrar. Varias mulleres representativas da cultura e sociedade galegas prestan a súa voz ás escritoras homenaxeadas. A actividade está dirixida ao público adulto e coordinada por Ana Hermida, de Lisístrata Asociación.
Este día é unha iniciativa da Biblioteca Nacional de España (BNE), a Federación Española de Mulleres Directivas, Executivas, Profesionais e Empresarias (FEDEPE) e a Asociación Clásicas e Modernas (CyM).
Leremos textos de Teresa de Jesús, María de Zayas, Juana Manso, Rosalía de Castro, Rosario de Acuña, Filomena Dato Muruais, Carmen de Burgos, Delmira Agustini, Xela Arias, Victoria Ocampo, Aurora Bertrana, Luísa Villalta, Magda Donato, Sorne Unzueta Lanzeta (Utarsus), Begoña Caamaño, Ángela Figuera Aymerich, María Zambrano, Xohana Torres, Idea Vilariño, Ana María Matute, María Victoria Moreno, Carmen Martín Gaite, Josefina Aldecoa, Sofía Casanova, Alejandra Pizarnik, Esther Tusquets, Hildegart Carballeira, María-Mercé Marçal.
Será o luns 15 de outubro ás 19:30 h no salón de actos da Biblioteca, a entrada é libre e gratuíta ata completar aforamento.

sábado, 29 de setembro de 2018

"Contando en feminino", contos de igualdade e violencia de xénero, na Biblioteca Ánxel Casal de Compostela

Ana Hermida achegará á infancia historias contadas desde a perspectiva de xénero e igualdade, onde o rol feminino sexa, non o tradicional nos contos, senón algo igualitario. Contos tamén onde o final pode cambiar e onde a protagonista non se vexa como algo inferior e sempre coas mesmas identidades. Xogando e contando, apréndese a formar en igualdade.

A cita cos contos e coa igualdade será o sábado 13 de outubro ás 12:00 h. no salón de actos da Biblioteca Pública de Santiago de Compostela, que deste este mes conta cunha biblioteca feminista no seu 3º andar.

domingo, 16 de setembro de 2018

A historia en Feminino, tamén conta a historia das mulleres en Galicia

A historia en Feminino ten como obxectivo visibilizar as mulleres e facer xustiza á metade da poboación, contar a historia real, polo que levamos anos tentando ofrecer referentes á infancia e ao público adulto. Na Biblioteca Central en Arteixo "Henrique Rabuñal” fixemos un achegamento ao mundo infantil das moitas e sobresaíntes, así como descoñecidas, mulleres que houbo ao longo da historia. As nenas e nenos do Concello de Arteixo descubriron a científicas, guerreiras, inventoras, aventureiras, escritoras, músicas, deportistas… Contamos tamén a historia de grandes mulleres galegas, unha das que forma parte do noso catálogo desde hai tempo é María Vinyals, figura á que hoxe se lle está a recoñecer a súa pegada na historia.

luns, 3 de setembro de 2018

Estivemos na homenaxe a Filomena Dato en Bergondo

Deixamos mostra gráfica do que foi a homenaxe a Filomena Dato, a Poeta das Mariñas, que tivo lugar o pasado mes de febreiro en Bergondo, no que participaron a alcaldesa Alejandra Pérez Máquez en representación do Concello e Víctor Freixanes en representación da Real Academia Galega. Foi un acto presentado por Rubén Aramburu no que o alumnado do Cpi Cruz do Sar recitou poemas da homenaxeada, ao igual que Dores Tembrás, que puxo voz aos versos da poeta. Ana Hermida viaxou a Moruxo por segunda vez para volver renderlle homenaxe a Filomena recitando, cantando e lembrando a Rosalía de Castro, momento que recolle esta foto co presidente da Real Academia, a quen agradezo a súa amabilidade. O acto rematou descubrindo o monólito a Filomena, obra de Francisco Escudero e coa interpretación do Himno Galego, polo gaiteiro Francisco José Otero López.

Xa en xullo do 2017 estivemos rendendo homenaxe a Filomena Dato en Moruxo, onde Ana Hermida adiantou parte do espectáculo “Ningún lazo a suxeita” para achegar á cidadanía a obra da poeta e rescatala dun esquecemento inxusto. Son moitas horas de procurar información, documentación, ensaios… sempre co único obxectivo de visibilizar á muller e divulgar a súa obra. Filomena foi invisibilizada inxustamente ao longo do tempo, algo que actualmente tamén ocorre coas mulleres que teiman en visibilizar a outras mulleres e que despois de tanto empeño, traballo e esforzo, ven como outras xentes se penduran medallas a conta delas, a historia non mudou tanto. A Asociación Lisístrata ten como obxectivo concienciar na igualdade e violencia de xénero, poñer en valor a figura feminina e as súas creacións, así como a defensa da cultura e lingua galega, motivo polo que desde hai tempo estivemos traballando para facer xustiza a Filomena, ao igual que fixemos e faremos con outras mulleres. En breve iremos anunciando sorpresas e novidades sobre a poeta.

xoves, 30 de agosto de 2018

Despedimos o verán con "Contos mollados" na Biblioteca Ánxel Casal de Compostela

Imos navegar por continentes perdidos, viaxaremos en barcos pantasma, atoparémonos con naufraxios, piratas, monstros mariños, sereas…contaremos historias das divindades mariñas e habitantes do fondo do mar. Atraca neste peirao dos contos mollados e descubrirás as marabillas que se ocultan máis aló dos límites do descoñecido. 

A cita cos contos será o sábado 1 de setembro, no salón de actos da Biblioteca Pública de Santiago Ánxel Casal, ás 12:00 h. e a entrada é libre e gratuíta ata completar aforamento.

xoves, 19 de xullo de 2018

Tecín soia a miña tea, homenaxe a Rosalía en Compostela

Homenaxe a Rosalía de Castro mediante a dramatización dos seus poemas. Este espectáculo pretende amosar unha Rosalía actual, como os temas que ela trata, tan vixentes hoxe en día. A relación cos homes, a defensa da muller, da súa terra... O desexo e ansias súas polo teatro "eu quería ser actriz e non me deixaron". Unha Rosalía, a veces divertida, outras reivindicativa, dura. Unha muller interpretando a outra muller. Poemas, teatro, e algunha canción para honrar a nai da nosa terra.

Será o sábado 28 de xullo en Compostela, no espazo de arte Os Catro Gatos, ás 12:00 h.

Homenaxe a Filomena Dato en Bergondo

O acto está organizado polo activista cultural e párroco de Bergondo, Rubén Aramburu e a Asociación Cultural Lisístrata, que desde hai tempo organizan diferentes actos para achegar á cidadanía a obra e figura da poeta nacida en Ourense e falecida en Moruxo (Bergondo).

Comezará o acto coa ofrenda floral no monólito de Filomena Dato, por parte de representantes do Concello de Bergondo, acto seguido a gaiteira Ana Rodríguez interpretará o Himno Galego, a continuación Rubén Aramburu, párroco de Bergondo fará unha misa na honra da “Poeta das Mariñas” que será cantada por Bea a de Estrella, para rematar o acto a obra poética de Filomena Dato soará na voz de Ana Hermida co recital “Ningún lazo a suxeita”.

Esta sentida homenaxe, aberta a toda a cidadanía, será o xoves 26 de xullo ás 19:30 h na Igrexa de San Vicente de Moruxo, no Concello de Bergondo.

martes, 17 de xullo de 2018

Rosalía de Castro en Compostela

A nosa particular homenaxe a Rosalía de Castro, con Ana Hermida, non é algo puntual nin de datas no calendario, Rosalía leva con nós anos, levamos a súa obra, a súa palabra, a súa mensaxe... á rúa, aos colexios, aos institutos, aos teatros. Ela é o importante, quen ouse cambiarlle a súa imaxe para facela máis atractiva (ela xa era bonita dabondo), quen queira converter a súa figura nunha feira, quen se queira apropiar dela, quen pretenda convertela nun produto, está moi equivocada. Rosalía foi, é e será nosa, do pobo, por eso é grande.

O sábado 28 de xullo Rosalía de Castro estará no espazo de arte "Os Catro Gatos", ás 12:00 h.

mércores, 27 de xuño de 2018

“A historia en Feminino” vai de campamento ao Concello de Oroso

A Biblioteca Pública Municipal de Oroso organiza esta actividade que está dirixida ás nenas e nenos que participan no campamento de verán que organiza o Concello. Ana Hermida viaxará ata a Comarca de Ordes para facer un achegamento ao mundo infantil das moitas e sobresaíntes e descoñecidas mulleres que houbo ao longo da historia: científicas, deportistas, guerreiras, inventoras, aventureiras, escritoras, músicas… todas teñen cabida nesta historia en feminino.

A cita será o venres 13 de xullo ás 12:00 h. na sala anexa á Biblioteca do Concello de Oroso.

martes, 19 de xuño de 2018

“Ecos do tempo”, contamos a historia na Biblioteca Ánxel Casal de Compostela

Faremos unha viaxe na máquina do tempo, que nos transportará ás distintas épocas e culturas da historia, para coñecer personaxes fascinantes, curiosidades sorprendentes… queres saber que? como? por que? quen? cando? atrévete a atravesar o tempo comigo e atoparás todas esas respostas. Quen dixo que a historia non era divertida?

A cita coa historia será o sábado 23 de xuño, no salón de actos da Biblioteca Pública de Santiago de Compostela, ás 12:00 h.

xoves, 31 de maio de 2018

A historia en Feminino e as mulleres galegas

A historia en Feminino ten como obxectivo visibilizar as mulleres e facer xustiza coa metade da poboación, contar a historia real, polo que levamos anos tentando ofrecer referentes á infancia e ao público adulto. Contamos tamén a historia de grandes mulleres galegas ás que, aínda a día de hoxe, non se lles fixo o recoñecemento debido, como Josefina de Serantes, figura que estabamos a recuperar e da que, grazas ao apoio do seu fillo Eduardo, tivemos unha información máis completa. 

Non vendemos ningún produto, só tentamos facer un acto de reparación e xustiza no que cremos firmemente, afrontamos este ideal sen o apoio de ningún tipo, nin de organismos oficiais, nin privados, por suposto tampouco de ningún partido político ou sindical, pensamos que o feminismo non debe estar suxeito a nada, non debemos nada a ninguén nin aceptamos que ninguén nos diga o que debemos ou non debemos dicir, ou a quen debemos censurar. Polo que pese a quen lle pese, seguiremos a recuperar e contar a historia real, non con afán mercantilista, senón como compromiso persoal, a igualdade, a violencia de xénero, o feminismo, a muller… non son un xogo nin tampouco obxecto de mercadeo. 

domingo, 27 de maio de 2018

"A historia en Feminino" pechou os actos do 8M en Pazos de Borbén

Viaxamos ata a comarca de Vigo, concretamente ao Concello de Pazos de Borbén, para achegar ao público A historia en Feminino, onde Ana Hermida tentou visibilizar ás mulleres borradas da memoria e coñecer as súas vidas marabillosas, os seus logros, achegar a realidade oculta durante séculos, amosarlles unha visión real da historia. A resposta foi a que eu esperaba, está a darme moitas satisfaccións ao comprobar a reacción das nenas e nenos e tamén do público adulto. Levo moitos anos tentando darlle o seu lugar ás mulleres que houbo ao longo da historia, das que aínda hoxe habitan nun ocultismo inxusto e das que na actualidade se contan moitas inexactitudes e mentiras causando un dano terrible, aí estivemos nós para dicirlle ao público que é intelixente dabondo e que non crea todo o que se lle conta, que lea, que lea moito e teña o seu propio criterio. 

O público foi ao alumnado e profesorado do Ceip Curros Enríquez e da Asociación Aspavi, queremos expresar os nosos parabéns á organización, a José Manuel Soto Virulegio, responsable da Biblioteca de Pazos de Borbén, por practicar unha plena inclusión en todas as actividades que realiza, tamén agradecer ao profesorado a súa implicación e ao alumnado a súa atención e interese, agardamos que espertara moitas inquedanzas. Grazas.

Conmemoramos o 25N Contando en femininino en Mondariz

O Concello de Mondariz, na comarca do Condado, acolleu unha sesión de Contando en feminino, actividade que organizou a Biblioteca Pública Municipal Xoan Xosé Pérez Labaca dentro dos actos de conmemoración do 25N para concienciar na igualdade e violencia de xénero ao público infantil.

É unha proba continua á que me someto voluntariamente cada vez que fago actividades deste tipo, o público infantil non ten filtros, é pura verdade, pregunta as cousas máis inesperadas, ese día había unha nena que tiña unha especial curiosidade polo tema, a min encántanme ese tipo de preguntas, anque as caras das nais e pais que estaban ao fondo mentres contaba eran moi significativas, sorprendíanse das propias reaccións do público infantil mentres se preguntaban… como sairá Ana desta? pois saín, non sen antes dar todo tipo de explicacións para satisfacer esa curiosidade, lóxica á súa idade, da nena que teimaba en repreguntar sobre a violencia de xénero, quedei satisfeita cando despois de explicarllo pedinlle que, por favor, me contase coas súas palabras o que eu lle dixera e… que satisfacción sinto cando comprobo en persoa os resultados, si, foi unha proba superada, outra vez.

Volvín para a casa disfrutando da viaxe coas paisaxes fermosas da nosa terra, regresei feliz dicíndome: misión cumprida. Grazas por tanto como recibo, paga a pena tanto esforzo, tantas viaxes, tantas horas, tantos impedimentos, tantas censuras, tantas pedras que me poñen no camiño as mentes necias que ven a violencia de xénero e a igualdade como un negocio e non como un compromiso persoal, tal e como eu o sinto, non acaban de entender que coa violencia de xénero non se xoga e que facer actividades para a infancia é algo moi serio, é un público moi sensible e intelixente, teñen poucos anos, pouca estatura, pero a mente máis aberta que as persoas adultas.

martes, 15 de maio de 2018

Celebramos o Día das Letras Galegas "Contando en feminino" no Concello de Vedra

A AC San Campio organiza, coa colaboración co Concello de Vedra, o IV Concurso Serán das letras para celebrar o Día das Letras Galegas. Con tal motivo este venres terá lugar a entrega de premios dos debuxos, relatos e poemas premiados. Aí estará Ana Hermida para contar historias e ir concienciando ao público na igualdade e violencia de xénero, onde o rol feminino sexa, non o tradicional nos contos, senón algo igualitario. Contos tamén onde o final pode cambiar e tamén onde a protagonista non se vexa como algo inferior e sempre coas mesmas identidades. Xogando e contando, apréndese a formar en igualdade.
Será o venres 18 de maio, no local do Ferrador en San Miguel de Sarandón no Concello de Vedra, ás 20:30 h.

xoves, 10 de maio de 2018

“Contadas na súa voz”, celebramos o Día das Letras Galegas con María Victoria Moreno na Biblioteca Ánxel Casal de Compostela

Seguimos rendendo homenaxe á nosa cultura na primavera das letras, nesta ocasión será a María Victoria Moreno, pioneira da literatura galega infantil, a quen a Real Academia Galega dedica este ano o Día das Letras Galegas. Repasaremos a súa biografía e faremos contadas na súa voz para a infancia.

Será o sábado 12 de maio, no salón de actos da Biblioteca Pública de Santiago de Compostela, ás 12:00 h.

luns, 16 de abril de 2018

Celebramos coa Biblioteca de Arteixo o Día do Libro, saíndo á rúa

A Rede de Bibliotecas de Arteixo celebra o Día do Libro e do Dereito de Autora saíndo á rúa e agasallando ás persoas que por alí se acheguen con libros para todas as idades, con tal motivo o persoal das bibliotecas estará a pé de rúa. No Concello de Arteixo hai cinco bibliotecas, a Central en Arteixo "Henrique Rabuñal”, a de Oseiro “Dora Vázquez”, a de Froxel “Francisco Vidal”, a de Pastoriza "Miguel Sande" e a de Meicende "Antón Castro", todas levan nomes de xente da escrita nacida en Arteixo ou relacionada con esta vila. Convidamos á cidadanía a que, como todos anos, encha as rúas de cultura. Nós por aí andaremos entre poemas, contos, igualdade, historias…

O 23 de abril de 1616, dous xigantes da literatura mundial morreron, dous precursores cuxa obra revolucionaría a forma en que se concibiu e escribiu a ficción: Cervantes e Shakespeare. Esta coincidencia é a razón pola cal o 23 de abril foi elixido como día mundial do libro e do dereito de autor. Cando celebramos libros, celebramos actividades -escribir, ler, traducir, publicar- que axudan ás persoas para elevarse e realizarse a si mesmas; e celebramos, dunha maneira fundamental, as liberdades que as fan posibles. Os libros atópanse na intersección dalgunhas das liberdades humanas máis esenciais, principalmente a liberdade de expresión e a liberdade de publicar. Estas son liberdades fráxiles. Ante moitos desafíos, desde o cuestionamiento do dereito de autor e a diversidade cultural ata as ameazas físicas sobre autoras, xornalistas e editoras en moitos países, estas liberdades tamén se negan, mesmo hoxe, cando as escolas son atacadas, e se destrúen manuscritos e libros.

É o noso deber entón, en todo o mundo, protexer estas liberdades e promover a lectura e a escritura para combater o analfabetismo e a pobreza e fortalecer os cimentos da paz, así como protexer ás profesións e profesionais relacionadas coa publicación. A acción das editoras, merece o debido recoñecemento e protección, posto que o movemento de obras escritas é unha contribución esencial á liberdade de expresión, o debate público e o diálogo.

Xuntémonos para celebrar libros que incorporen a creatividade, permitan que as ideas e o coñecemento se compartan a través das fronteiras e fortalezan o entendemento mutuo e o diálogo. (Audrey Azoulay)

luns, 9 de abril de 2018

“Contadas na súa voz”, María Victoria Moreno no Día do Libro co alumnado de EEI de Vilarrodís

Seguimos rendendo homenaxe á nosa cultura, nesta ocasión será a María Victoria Moreno, pioneira da literatura galega infantil, a quen a Real Academia Galega dedicou este ano o Día das Letras Galegas. Repasaremos a súa biografía e a súa obra. Serán historias contadas na súa voz e coa palabra de Ana Hermida. Actividade organizada pola Rede de Bibliotecas de Arteixo, que cada ano leva ao alumnado dos centros escolares ás diferentes bibliotecas do concello para celebrar o Día do Libro.

Achegaremos a figura e obra de María Victoria Moreno ao alumnado da Escola de Educación Infantil de Villarrodís, de Oseiro, concello de Arteixo, será na Biblioteca Francisco Vidal, o luns 9 de abril en doble sesión, a primeira comezará ás 11:00 h. e a segunda ás 12:00 h.

xoves, 5 de abril de 2018

Estivemos Contando en feminino en Ponteceso

As nenas e nenos do CPI Ponteceso asistiron a unha sesión de “Contando en feminino”, contos para a igualdade e violencia de xénero. Ana Hermida estivo na Biblioteca do Concello de Ponteceso, enclave moi fermoso da Costa da Morte, onde o alumnado foi o protagonista, os seus comentarios, conclusións e preguntas son sempre enriquecedoras, dan alento para seguir neste labor de concienciar desde a máis tenra infancia, polo que seguiremos nesta loita silenciosa na que cremos firmemente.

martes, 3 de abril de 2018

“Contadas na súa voz”, María Victoria Moreno no Día do Libro co alumnado de EI do Ceip de Galán, en Oseiro

Seguimos rendendo homenaxe á nosa cultura, nesta ocasión será a María Victoria Moreno, pioneira da literatura galega infantil, a quen a Real Academia Galega dedicou este ano o Día das Letras Galegas. Repasaremos a súa biografía e a súa obra. Serán historias contadas na súa voz e coa palabra de Ana Hermida. Actividade organizada pola Rede de Bibliotecas de Arteixo, que cada ano leva ao alumnado dos centros escolares ás diferentes bibliotecas do concello para celebrar o Día do Libro.

Achegaremos a figura e obra de María Victoria Moreno ao alumnado de Educación Infantil do Ceip de Galán, será na Biblioteca Dora Vázquez, o mércores 4 de abril en dúas sesións, ás 11:00 h. e ás 12:00 h.

mércores, 21 de marzo de 2018

“Contadas na súa voz”, homenaxe a Helena Villar Janeiro na Biblioteca Ánxel Casal de Compostela

Rematamos o mes de marzo rendendo unha merecida e sentida homenaxe á Helena Villar Janeiro, pioneira da literatura infantil en galego. A súa numerosa obra está traducida a outras linguas, sendo unha figura destacada da cultura galega, tanto pola súa dedicación á literatura como ao ensino. Repasaremos a súa biografía e faremos, para a infancia, contadas na súa voz.

Será o sábado 31 de marzo, no salón de actos da Biblioteca Pública de Santiago de Compostela, ás 12:00 h.

martes, 20 de marzo de 2018

O Concello de Arteixo celebrou o Día de Rosalía co Certame de Poesía que leva o seu nome

O Día de Rosalía tivo lugar en Arteixo unha homenaxe á nai das nosas letras, o acto central foi o Certame de Poesía “Rosalía de Castro”. Este ano, na súa cuarta edición, foi un éxito de participación e de público e estivo organizado, ao igual que en anos anteriores, pola Concellería de Cultura de Arteixo en colaboración coa Rede Municipal de Bibliotecas. Abriu o acto Ana Hermida, encargada de conducir a gala, dando lectura ao Manifesto da Aelg que este ano redactou María Reimóndez, seguidamente deron comezo os recitados dos poemas creados para a ocasión polas nenas e nenos participantes, alí estaban co mellor sorriso e os nervos acompañando o camiño. O respecto do público, os aplausos recibidos… todo foi moi fermoso.

A continuación Ana Hermida fixo unha homenaxe a Rosalía con “Poesía é nome de muller”, os versos de Helena Villar Janeiro -a quen lle debemos que o Día de Rosalía sexa hoxe o que é- de Xohana Torres, de Filomena Dato… enchían o ambiente mentres o xurado deliberaba. Máis tarde a obra de Rosalía foi obxecto dunha lectura colectiva por parte das doce persoas participantes: Aldara, Aroa, Alejandra, Sara, David, Marcelo, Sofía, Claudia, Alba, Guillermo, Aldara e Adrián.
Tiña que gañar alguén, así o dicían as bases, foi David, alumno do Ceip Ponte dos Brozos, que cantou as fermosuras de Arteixo co seu poema “O meu pobo”, houbo ademáis un premio por cada categoría: Alejandra con “As estacións”, David con “O meu pobo” e Alba con “Chega a noite”, dos cursos 4º, 5º e 6º respectivamente. Anque en realidade o premio foi para esas doce persoas que coa súa ilusión e talento nos agasallaron coa súa obra, todas levaron como premio un diploma e un lote de libros envolto nun gran aplauso polo moito que nos fixeron disfrutar. David, o gañador absoluto, levou a maiores unha tablet. O xurado estaba composto por María Luísa, Graciela, Dores e Alfredo, que compoñen o clube de lectura da Biblioteca Central de Arteixo “Henrique Rabuñal” e a entrega de premios correu a cargo de Alfredo Ferreiro, en representación do clube de lectura, José Luis Alonso Torreiro, director da Rede de Bibliotecas de Arteixo, Patricia Galán Gómez, directora do Ceip Ponte dos Brozos e Ana María Bello Vázquez, Concelleira de Cultura.
Quixera agradecer ao público -que enchía a sala- a súa asistencia, ás nenas e nenos que participaron ese día e ao resto que enviaron os seus traballos para o certame -este ano a participación foi altísima-, ao profesorado dos centros educativos do Concello de Arteixo polo seu apoio ao certame incentivando ao alumnado e por asistir ao acto –estiveron con moita atención e orgullo disfrutando dos recitados do seu alumnado-, á Rede de Bibliotecas de Arteixo pola organización deste acto e por último agradecer a presencia e participación da Concelleira de Cultura, foi a única representante -dos catro grupos políticos que teñen representación no Concello- que asistiu a honrar a Rosalía de Castro e a disfrutar do talento infantil que temos en Arteixo.
Agardo a edición do próximo ano, seguro que ao igual que nesta, público e participantes irán medrando, así como tamén o amor á poesía. Eu fago actividades por Galicia adiante en bibliotecas, colexios, teatros… pero cando estou na miña terra é algo moi especial, nacín e vivo en Arteixo, son arteixá e presumo da miña vila natal aló por onde vou. Eu tamén fun alumna do Ceip Ponte dos Brozos como a maioría das persoas que participaron neste certame, gardo bonitas lembranzas da miña etapa escolar, coñezo o seu alumnado –ao igual que ao doutros centros de ensino- cando asiste aos contos que lles levo ás cinco biblioteca deste concello, dentro da programación de fomento á lectura que organiza a Rede de Bibliotecas de Arteixo. Volvo daquela á miña etapa escolar e lembro as clases, os corredores, as amizades… fágoo coa imaxinación, nunca tiven oportunidade de contar nese espazo onde medrei entre libros, non os sigo nos centros escolares, si nas bibliotecas e sei do seu amor polos libros e tamén que van por un camiño axeitado. Parabéns Arteixo, grazas e ata o vindeiro ano.

mércores, 7 de marzo de 2018

Contamos “A historia en Feminino” en Pazos de Borbén no 8M

A sociedade civil desempeñou desde sempre un papel esencial nos retos aos que se enfrontan as mulleres. Debemos apoiar as voces da sociedade civil de mulleres, precesisamos unha nova xeración de feminismo que poña fin á cultura da pobreza, os malos tratos, a explotación… por motivos de xénero.

Ana Hermida viaxará ata a Comarca de Vigo e fará un achegamento ao público das moitas e sobresaíntes, así como descoñecidas, mulleres que houbo ao longo da historia. Científicas, guerreiras, inventoras, aventureiras, escritoras, músicas… todas teñen cabida nesta historia en feminino. O público será o alumnado da Eso do Ceip Curros Enríquez, actividade que organiza a Biblioteca de Pazos de Borbén.

A cita será o venres 9 de marzo ás 13:00 h. no Auditorio do Concello de Pazos de Borbén.


venres, 2 de marzo de 2018

Mulleres no espello en Compostela

Estivemos ofrecendo unha ollada a traves da escrita de varios autores sobre a personalidade da muller: o amor, a vinganza, o erotismo, a paixón… Unha exploración sobre a condición feminina e a súa loita continua por existir dunha maneira digna e independente. Orbitamos ao redor da Muller nun enredo convocado para gozar, compartir e sumar. Organizado por Os Catro Gatos en Compostela.

Estivemos en Bergondo na homenaxe a Filomena Dato con "Ningún lazo a suxeita"

Para sacar do esquecemento á escritora xurdiu unha iniciativa de Rubén Aramburu, párroco de Bergondo, a Asociación Cultural Irmáns Suárez Picallo e a Asociación Cultural Lisístrata, que teñen previsto organizar diferentes actos, publicacións, etc. para achegar á cidadanía a obra e figura da poeta nacida en Ourense e falecida en Moruxo (Bergondo).

O Concello de Bergondo organizou unha ofrenda floral a Filomena Dato “a poeta das Mariñas”, abriu o acto Rubén Aramburu, que deu paso que a alcaldesa, Alejandra Pérez, a continuación a obra de Filomena Dato "Ningún lazo a suxeita" soaba na voz de Ana Hermida, despois a intervención musical das Gaiteiras de Bergondo, rematando coa ofrenda floral no adro da igrexa de San Vicente de Moruxo, onde están enterrados os seus restos mortais. Tamén estivo presente unha ampla representación da AC Suárez Picallo. 

xoves, 1 de marzo de 2018

O Concello de Pazos de Borbén celebra o Día Internacional da Muller contando “A historia en Feminino”

A Biblioteca de Pazos de Borbén organiza esta actividade onde Ana Hermida fará un achegamento ao mundo infantil das moitas e sobresaíntes, así como descoñecidas, mulleres que houbo ao longo da historia. Científicas, guerreiras, inventoras, aventureiras, escritoras, músicas… todas teñen cabida nesta historia en feminino. O público será o alumnado de primaria do Ceip Curros Enríquez e as persoas usuarias da Asociación Aspavi, dando exemplo dunha total inclusión.
A cita será o venres 9 de marzo ás 11:00 h. no Auditorio do Concello de Pazos de Borbén.

luns, 19 de febreiro de 2018

Tecín soia a miña tea, homenaxe a Rosalía na Biblioteca Ánxel Casal de Compostela

Homenaxe a Rosalía de Castro mediante a dramatización dos seus poemas. Este espectáculo pretende amosar unha Rosalía actual, como os temas que ela trata, tan vixentes hoxe en día. A relación cos homes, a defensa da muller, da súa terra... O desexo e ansias súas polo teatro "eu quería ser actriz e non me deixaron". Unha Rosalía, a veces divertida, outras reivindicativa, dura. Unha muller interpretando a outra muller. Poemas, teatro, e algunha canción para honrar a nai da nosa terra.

Será o venres 23 de febreiro, no salón de actos de Biblioteca Pública de Santiago Ánxel Casal, ás 19:30 h. A entrada e libre e gratuíta ata completar a capacidade da sala. Dirixido a público adulto.

xoves, 15 de febreiro de 2018

IV Concurso de Poesía Homenaxe a Rosalía de Castro, en Arteixo

Este ano celébrase a cuarta edición do concurso de poesía en homenaxe a Rosalía de Castro, está organizado pola Concellería de Cultura do Concello de Arteixo a través da Rede Municipal de Bibliotecas. Será o broche de ouro a unha serie de actividades coas que conmemoran o nacemento da escritora padronesa. Haberá 12 nenas e nenos que recitarán a súa propia obra, de entre 8 e 12 anos, que levarán un agasallo pola súa partipación, outro por cada unha das tres categorías e a persoa gañadora recibirá o premio final. Ana Hermida dará lectura ao Manifesto da Aelg e tamén fará unha homenaxe poética feminina á Rosalía de Castro, mentres delibera o xurado composto polo Clube de Lectura da Biblioteca Central de Arteixo “Henrique Rabuñal”.
A cita con Rosalía e coa poesía será o sábado 24, na Sala de Exposicións do Centro Cívico Cultural de Arteixo, ás 11:00 h. A entrada é libre e gratuíta ata completar aforamento.

mércores, 14 de febreiro de 2018

Homenaxe a Filomena Dato "a poeta das Mariñas" en Bergondo

O Concello de Bergondo organiza unha homenaxe a Filomena Dato, na que colabora a Real Academia Galega, a parroquia de San Vicente de Moruxo, A Asociación Irmáns Suárez Picallo e a Asociación Cultural Lisístrata.
Intervirá o párroco Rubén Aramburu, Francisco Pita, da Asociación Cultural Irmáns Suárez Picallo, Ana Hermida, da Asociación Lisístrata, a poeta e editora Dores Tembrás, o presidente da RAG, Víctor F. Freixanes, e a alcaldesa de Bergondo, Alejandra Pérez Máquez. Alumnado de 2º da ESO do CPI Cruz do Sar lerá poemas da escritora. Rematará o acto co descubrimento dunha escultura na honra de Filomena Dato asinada por Francisco Escuredo e coa interpretación do Himno galego a cargo de José Otero López.
O acto terá lugar o martes 26 de febreiro no camposanto de Moruxo, ás 11:15 h.

martes, 13 de febreiro de 2018

Arteixo achega a figura de Rosalía ao alumnado do Ies Manuel Murguía con "Tecín soia a miña tea"

Rosalía de Castro, na voz de Ana Hermida, estará co alumnado do Ies Manuel Murguía. Faremos un repaso pola súa biografía e pola súa obra, haberá representación teatral, dramatización da súa obra e participación do alumnado, que terá ocasión de poñer voz á nosa Poeta nacional. A actividade está organizada pola Concellería de Cultura a través da Rede de Bibliotecas do Concello de Arteixo para celebrar o Día de Rosalía.

Serán dous días de encontro, 21 e 22 de febreiro, cunha Rosalía loitadora, feminista, comprometida e dona dunha obra de inmensa valía. Dúas sesións diarias na Biblioteca Central de Arteixo “Henrique Rabuñal”, a primeira comezará ás 11:00 h. e a seguinte ás 13:00 h.

luns, 12 de febreiro de 2018

Día de Rosalía en Arteixo

A Concellería de Cultura do Concello de Arteixo a través de Rede Municipal de Bibliotecas, celebra o Día de Rosalía cunha serie de actividades para honrar á nai das nosas letras.

O primeiro dos actos ten como protagonista ao alumnado da Eso do Ies Manuel Murguía que asistirá á representación da obra “Tecín soia a miña tea”, dramatizacións da obra Rosaliana e que correrá a cargo da actriz Ana Hermida. Terá lugar os días 21 e 22 e dará comezo ás 11:00 h. 

O acto central será o “Concurso de poesía Homenaxe a Rosalía de Castro” que este ano xa vai pola cuarta edición. Está dirixido á infancia de entre 8 a 12 anos, que recitarán os seus propios poemas. Cada participante levará un agasallo, haberá ademáis un premio por cada unha das tres categorías e a persoa gañadora recibirá o premio final. Ana Hermida dará lectura ao Manifesto da Aelg e tamén se encargará de facer unha homenaxe poética feminina á Rosalía de Castro mentres delibera o xurado composto polo Clube de Lectura da Biblioteca Central de Arteixo “Henrique Rabuñal”.

Convidamos á toda a cidadanía de Arteixo a que participe desta gran festa Rosaliana, será na Sala de Exposicións do Centro Cívico Cultural de Arteixo, ás 11:00 h. A entrada é libre e gratuíta ata completar aforamento.