domingo, 15 de marzo de 2015

A infancia de Compostela celebrou o Día da Poesía Rimando e Xogando

O público non puido ser máis participativo, cantou, rimou, xogou e, por suposto, recitou. Moitas mans erguidas para ler os poemas nunha mañá de sábado na que, aínda cun día espléndido, as nenas, nenos e tamén as persoas adultas se achegaron á Biblioteca Pública Ánxel Casal, para disfrutar da poesía.

Tamén algún aldulto quixo competir cos recitados do público infantil, outro fíxoo acompañado do seu fillo... É bonito ver como nais e pais dan un fermoso exemplo participando das actividades. Nomes como Helena Villar, Manuel María, Rosalía de Castro, Xesús Rábade, Anisia Miranda... xa lles son familiares, así como a súa obra poética coa que disfrutaron e aprenderon a amar esta terra nosa de poetas. 

Ningún comentario:

Publicar un comentario